क्यानाडाका प्रधानमन्त्री आइसोलेसनमा, अमेरिकाका राष्ट्रपति कोरोना टेष्टमा

विश्वका शक्तिशाली राष्ट्रका शक्तिशाली प्रमुखहरु नै कोरोनाको शिकार भएका छन् । क्यानाडाका प्रधानमन्त्री जस्टिन त्रुडिउ कोरोनाका कारण आइसोलेसनमा बस्दैछन् । आइसोलेसन भन्नाले कसैसँग हिमचिम वा भेटघाट नगरी घरैमा बस्न लागेका हुन । उहाँ आफुलाई कोरोना भाइरस नलागेपनि श्रीमती सोफी ग्रीगोर त्रुडिउलाई कोरोना भाइरस देखिएपछि घरमै बस्न लागेका हुन् । उहाँले घरबाटै आफ्नो कार्यभार सम्हाल्नेछन् ।

उता अमेरिकाले संकतकाल घोषणा गरेको छ । राष्ट्रपति डोनाल्ड ट्रम्पले कोरोना भाइरसका रोगी तथा मृतकको संख्या बढेकाले संकतकाल लागु गरिएको बताएका छन् । ब्राजिलका उच्च पदस्त अधिकारी साथै अष्ट्रेलियाका गृहमन्त्रीलाई कोरोना देखिएपछि भेटघाट गरेका ट्रम्प आफै पनि कोरोनाको संक्रमण छ कि भनि परिक्षण गर्न लाग्दैछन् । यस अघि अमेरिकाले बेलायत बाहेकका युरोपियन राष्ट्रका उदान रद्द गरिसकेको छ । बेलायतमा समेत उदान रद्द गर्ने तयारी भइरहेको ट्रम्पले बताएका छन् ।