जापानमा हुने ओलम्पिक स्थगित

कोरोना भाइरस संक्रमणका कारण सन् २०२० को ओलम्पिक खेल २०२१मा हुने भएको छ । बेलायत, अस्ट्रेलिया र क्यानडाले जापान ओलम्पिकमा भाग नलिने बताएपछि ओलम्पिक स्थगन गरिएको हो । जापानी प्रधानमन्त्री र अन्तराष्ट्रिय ओलम्पिक कमिटीका अध्यक्षको सहमतिमा आउँदो जुलाई २४ देखि हुन लागेको ओलम्पिक खेल स्थगनको निर्णय भएको हो । जापानी प्रधानमन्त्री सिन्जो आबेले सोमबार संसदमा ओलम्पिक स्थगित गर्नुपर्ने जानकारी गराएका थिए ।