आज ३८० जनामा कोरोना पुष्टि, काठमाडौंमा एकजनामा कोरोना

कोरोना संक्रमितहरुको संख्या दिनदिनै बढिरहेको समयमा २४ घण्टामा नेपालमा ३८० जना संक्रमण पुष्टि भएको छ । यससँगै कुल संक्रमितको संख्या ६५ सय ९१ पुगेको छ । कुल ११ सय ९८ जना डिस्चार्ज भएका छन् भने १९ जनाको मृत्यु भैसकेको छ ।

स्वास्थ्य तथा जनसंख्या मन्त्रालयका अनुसार महोत्तरीमा ८९, दाङमा ५६, रौतहटमा ५२, कैलालीमा २३, बैतडीमा २१, डोटीमा २०, धनुषामा २१ सर्लाहीमा १६, कञ्चनपुरमा ११, गोरखामा १०, अर्घाखाँची र बर्दियामा ९,९ जना, दैलेखमा ५, रुपन्देही, स्याङ्जा र सुर्खेतमा ४, ४ जना, नवलपुर, कास्की, सप्तरीमा ३–३ जना, सुनसरी, सिराहा, पर्सा, तनहुँमा २,२ जना र काठमाडौं, झापा, मोरङ, बाँके, पाँचथर, रोल्पा, बाग्लुङ, रामेछाप, सल्यान, अछामका एकएक जनामा संक्रमण पुष्टि भएको छ ।