प्रवास

युएई– उर्जा, जलस्रोत तथा सिंचाईमन्त्री वर्षमान पुनले नेपालको जलविद्युत क्षेत्रमा लगानी गर्न आह्वान गरेका छन् । विश्व उर्जा सम्मेलनमा भाग लिन अब्बुधावी पुगेका मन्त्री पुनले नेपाली राजदूतावासमा आयोजित अन्तर्क्रिया कार्यक्रममा बोल्दै उर्जा क्षेत्रमा लगानीको वातावरण बनेको भन्दै आफ्नो आर्थिक अवस्थाअनुसार लगानी गर्न नेपाली समुुदायका प्रतिनिधिलाई आग्रह गरे ।

‘अहिले लगानीको लागी नेपालमा उपयुक्त वातावरण बनेको छ, सरकारले १० वर्षमा १५ हजार मेगावाट विजुली उत्पादन गर्ने लक्ष्य राखेर आकर्षक आयोजना अघि बढाएको छ, तपाईहरुले पनि यसमा लगानी गरेर प्रतिफल लिनुहोस,’ मन्त्री पुनले भने ।

विदेशमा रहेका नेपालीलाई लक्षित गरेर उर्जामन्त्रालयले रेमिट हाईड्रोको सुरुवात गर्ने तयारी गरेको जानकारी दिदैं मन्त्री पुनले त्यसमा पनि लगानी गर्न आग्रह गरे । सम्पुुर्ण जनतालाई जलविद्युतसंग जोड्न सरकारले जनताको जलविद्युत कार्यक्रम समेत संचालनमा ल्याएको भन्दै त्यसमा सहभागी हुन सबै नेपाली समूदायलाई आग्रह गरे ।

मन्त्री पुनले युएईमा बसेर देशको अर्थतन्त्रमा योगदान पुर्याएकोमा धन्यवाद दिदै यहां सिकेको ज्ञान र अनुुभव समेत लिएर देश फर्कन आग्रह गरे ।

उहांले फरक राजनीतिक विचार र आस्थाले कुनै फरक नपर्ने भन्दै देशको हित सोच्नु सबै सचेत नागरिकको पहिलो कर्तव्य भएको बताए । ‘हाम्रो विचार,आस्था र सोच फरक हुनसक्छ, तर पहिलो कुरा देश हो । विकास र समृद्धि सवै विचार बोक्ने नागरिकलाई चाहिएको छ । त्यसैले हामि सबै मिलेर गरीवी र पछौटेपनविरुद्ध मिलेर लडौ,’ मन्त्री पुनले भने ।

नेकपाका स्थायी समिति सदस्य समेत रहेका मन्त्री पुनले सरकारले पहिलो वर्ष नितिगत काममा ध्यान दिएको भन्दै यो वर्ष कामले गति लिने दावी गरे ।
सरकारले भ्रमण वर्ष २०२० संचालन गर्ने तयारी गरेको जानकारी दिंदै मन्त्री पुनले २० लाख पर्यटक भित्रयाउन सरकारले पुर्वाधारको तयारी गरिरहेको बताए ।

फार्नबरो (युके) । क्युओजिएलआर एक्स सर्भिसमेन्स एसोसिएसन युकेको बार्षिक साधारणसभा तथा चौथो महाधिवेशन शनिबार २२ जुन २०१९ का दिन ग्रेन्ज कम्युनिटी जुनियर स्कूलको हल फार्नबरोमा सम्पन्न भएको छ। सो संस्थाको अध्यक्ष बसन्त गुरुङको अध्यक्षतामा बसेको साधारणसभा तथा चौथो महाधिवेशन २०१९ मा संस्थापक अध्यक्ष मेजर चित्रराज लिम्बु एमभओ एमबिई र पूर्वअध्यक्ष मेजर भलामान राई लगायत एसोसिएसनका थुप्रै जेष्ठ, आजिवन तथा साधारण सदस्यहरु परिवारसहित उपस्थित थिए ।

तीन चरणमा विभाजन गरी महासचिव प्रकाश रावतले संचालन गरेको साधारणसभा तथा चौथो महाअधिबेशनको आरम्भमा एसोसिएसनका दिवङ्गत स्वर्गीय निरबहादुर राई र स्वर्गीय जित पुनको सम्झनामा दुई मिनेट मौन धारण गरेको थियो । पहिलो चरणको बार्षिक साधारणसभामा अध्यक्ष बसन्त गुरुङले स्वागत मन्तब्य राखेपछि महासचिब प्रकाश रावतले संस्थाको बार्षिक प्रतिबेदन तथा प्रगति विवरण र कोषाध्यक्ष गञ्ज तामाङले आर्थिक प्रतिबेदन निर्णयार्थ प्रस्तुत गरेर सर्बसम्मतिबाट अनुमोदन गरेका थिए ।

यसैगरी साधारणसभामा पूर्वअध्यक्ष मेजर भलामान राई र अध्यक्ष बसन्त गुरुङले निर्णयार्थ प्रस्तुत गरेको संस्थाको नयाँ बिधानबारे छलफल गरी केही परिमार्जनसहित सर्बसम्मतिबाट पारित तथा अनुमोदन गरिएको थियो ।

सौहाद्रपूर्ण रुपमा संचालन भएको साधारण सभामा सदस्यहरुको बोल्ने क्रममा सबैले एसोसिएसनको सर्बोपरि हित र भावी कार्यक्रमहरुका निम्ति सकारात्मक सुझावहरु दिँदै हालसम्म भइरहेका कामहरुमा खुशी प्रकट गर्दै तेस्रो कार्यसमितिका सम्पूर्ण पदाधिकारिहरुलाई हार्दिक धन्यबाद ब्यक्त गरेका थिए।

पहिलो चरण कार्यक्रमको अन्तमा सदस्यहरुको बोल्ने समयमा उठेका केही बिषयहरुको बुँदागत छलफल र निर्णय गरेपछि अध्यक्ष बसन्त गुरुङले सभामा उपस्थित सबै सदस्यहरुलाई आभार प्रकट गर्दै धन्यबाद मन्तब्य राखेर तेस्रो कार्यसमितिको कार्यकाल तथा पदावधि समाप्त भएको घोषणा गरेका थिए।

अध्यक्षमा बसन्त
वार्षिक साधारणसभा तथा चौथो महाधिवेशनको दोस्रो चरणमा क्युओजिएलआर एक्स सर्भिसमेन्स एसोसिएसन युके चौथो कार्य समिति निर्बाचन कार्यक्रम रहेको थियो। पूर्बअध्यक्ष मेजर भलमान राई, मेजर चित्रराज लिम्बु र पूर्ब रेजिमेन्टल सार्जन्ट मेजर शिवशरण गुरुङ रहेको तीन सदस्यीय निर्वाचन समितिले दोस्रो चरणको कार्यक्रममा क्युओजिएलआर एक्स सर्भिसमेन्स एसोसिएसन युकेको निर्बाचन समिति २०१९ बाट प्रकाशित आचार संहिता र कार्यतालिका अनुरुप सम्पूर्ण निर्बाचन प्रक्रिया पूरा गरी सर्वसम्मतिबाट चौथो नयाँ कार्यसमिति गठनको परिणाम घोषणा गरेका थिए ।

निर्बाचन समितिको अध्यक्ष मेजर भलामान राईको अध्यक्षतामा निर्बाचन समितिका सचिब शिबशरण गुरुङले संचालन गरेको निर्बाचन समिति र चौथो महाअधिबेसनमा सर्बसम्मतिबाट बसन्त गुरुङको नेतृत्वमा रहेको तेस्रो कार्यसमितिलाईनै पुनः तीन वर्षको एक कार्यकाल थपेर क्युओजिएलआर एक्स सर्भिसमेन्स एसोसिएसन युकेको चौथो कार्य समितिको गठन गरेको छ।

चौथो कार्य समितिमा उपाध्यक्षमा लेप्टेनेन्ट मेख बहादुर गुरुङ, महासचिबमा प्रकाश रावत, सचिबमा किरण गुरुङ, कोषाध्यक्षमा गन्ज तामाङ, सह कोषाध्यक्षमा नारायण गुरुङ, मिडिया तथा जनसम्पर्क अधिकारीमा मुकेस राई र क्षेत्रीय प्रतिनिधिमा मित्र बहादुर गुरुङ पुनः निर्बाचित भएका छन्।

निर्बाचनको परिणाम घोषणापश्चान निर्वाचन समितिका सचिब शिवशरण गुरुङले चौथो कार्य समिति निर्बाचन २०१९ कार्यक्रममा उत्साहजनकरुपमा सहभागी बन्दै क्युओजिएलआर एक्स सर्भिसमेन्स एसोसिएसन युकेको निर्बाचन २०१९ भव्य सफल बनाई दिएकोमा अभार प्रकट गर्दै सबैलाई हार्दिक धन्यबाद व्यक्त गरेका थिए ।

यसैगरी पूर्बअध्यक्ष तथा निर्बाचन समितिका अध्यक्षद्वय मेजर भलामान राई र मेजर चित्रराज लिम्बु एमभओ एमबिईले नवनिर्वाचित पदाधिकारीहरुलाई बधाई तथा शुभकामना दिएका थिए ।

कार्यक्रमको तेस्रो तथा अन्तिम चरणमा क्युओजिएलआर एक्स सर्भिसमेन्स एसोसिएसन युकेको बार्षिक भेटघाट तथा क्युओजिएलआर ६१औ जन्म दिवस सेलेब्रेसन कार्यक्रम रहेको थियो ।

चौथो महाअधिबेसनको साधारणसभापछि भव्यताकासाथ सम्पन्न वार्षिक भेटघाट कार्यक्रम एसोसिएसनको सदस्यहरु तथा परिवारहरुको उल्लेख्य उपस्थिति रहेको थियो । कार्यक्रममा रेजिमेन्टका बहालवाला कमान्डर क्युओजिएलआर लेप्टनेन्ट कर्णेल वेष्ट, गोर्खा मेजर मेजर चक्रबहादुर क्षेत्री र रेजिमेन्टल सार्जन मेजर प्रकाश गुरुङ विशेष अतिथिको रुपमा उपस्थित रहेका थिए ।

यसैगरी रेजिमेन्टल एसोसिएसनबाट पनि रेजिमेन्टका पूर्वकमान्डरहरु तथा अफिसरहरुमा लेप्टेनेन्ट कर्णेल ब्रिजर ओबिई, लेप्टेनेन्ट कर्णेल गिलहाम, लेप्टेनेन्ट कर्णेल मेकालिष्टर र लेप्टेनेन्ट ग्रिन अतिथिको रुपमा उपस्थित थिए। सबै अतिथिहरुलाई एसोसिएसनका अध्यक्ष बसन्त गुरुङ, उपाध्यक्ष लेप्टेनेन्ट मेख बहादुर गुरुङ र महासचिब प्रकाश रावतले खादा लगाई कार्यक्रममा हार्दिक स्वागत गरेका थिए।

मलेसिया । मलेसियाको एक कम्पनीले दुई महिनादेखि तलब नदिएपछि नेपाली कामदारहरु हड्तालमा उत्रिएका छन् ।

मलेसियाको डब्लुआरपी एसिया प्यासिफिक ग्लोभ कम्पनीमा दुई महिनादेखि काम गरेको तलब नपाएपछि आजदेखि नेपालीसहित विभिन्न देशका श्रमिकहरुले काम छोडर हड्तालमा उत्रिएका हुन् । 

दुई महिनादेखिको तलब रोकिएको, अघिल्लो महिना पाँच सय मलेसियन रिङ्गिट दिएका थिए । यो महिना खानका लागि मात्रै मलेसियन रिङ्गिट एक सय दिए । दिनदिनै स्थिति नाजुक बन्दै गएपछि सबै मजदुर काम छाडेर पुनः हडतालमा उत्रिएको सल्यानका महेन्द्र मगरले बताए ।

छ महिनाअघि पनि तीन महिनासम्मको तलब रोकिएपछि कामदारहरु कम्पनीविरुद्ध हडताल उत्रिनु परेको थियो।
हडतालपछि नेपाली दूतावास, बंगलादेशी दूतावास र कम्पनीको सामूहिक बैठक बसेको थियो । बैठकपछि रोकिएको तलब दिने र अबदेखि समयमै तलब दिने सहमतिपछि श्रमिकहरु काम फर्किएका थिए ।

सो कम्पनीमा दुई हजार नेपालीहरु हड्तालमा उत्रिएको थियो । कम्पनीले तीन महिनादेखि तलब रोकेको, अतिरिक्त समय काम गरेको रकम पनि नदिएको र अनावश्यक तरिकाले पैसा काटेको कामदारहरुको आरोप छ ।

सो कम्पनीले रबरको पञ्जा उत्पादन गर्ने काम गर्दछ।