‘रगत दिऊँ, जगत् सुरक्षित राखौं’ भन्ने नारासहित नेपाल स्वयंसेवी रक्तदाता समाज काठमाडौं–२४ नगर समितिले गरे रक्तदान कार्यक्रम
काठमाडौ। कोरोना महामारी तथा दिनदिन सक्रमित अत्याधिक बढ्दै गएको अवस्थामा भइरहेको रगत अभाव न्यूनीकरण गर्ने उद्देश्यले ‘रगत दिऊँ, जगत् सुरक्षित राखौं’ भन्ने नारासहित नेपाल स्वयंसेवी रक्तदाता समाज काठमाडौं–२४ नगर समितिले मखँ त्वाः मा रक्तदान कार्यक्रम गरेको छ ।
विश्व रक्तदाता दिवसबाट काठमाडौं महानगरपालिका वडा नं. २४ का वडाध्यक्ष बालकृष्ण श्रेष्ठ र महानगरी प्रहरी वृत्त, जनसेवाका प्रमुख डिलबहादुर मल्लको विशेष उपस्थितिमा रक्तदान कार्यक्रम सम्पन्न भएको छ ।
नेपाल स्वयंसेवी रक्तदाता समाजका केन्द्रीय अध्यक्ष एवं स्वयंसेवी शतक रक्तदाता प्रेमसागर कर्माचार्यद्वारा १६६औं पटकको रक्तदान गरी समापन गरिएको उक्त कार्यक्रममा महिला तथा पुरूष गरी जम्मा ४१ जनाले रक्तदान गरेका थिए ।
रक्तदाता समाज काठमाडौं-२४ वडा समितिका अध्यक्ष सुरेश सिलाकारको सभापतित्वमा सम्पन्न कार्यक्रममा रक्तदाताहरुलाई प्रशंसापत्र प्रदान गरेका थिए । गरेको रक्तदानमा समाजका केन्द्रीय अध्यक्ष प्रेमसागर कर्माचार्यले १६६ औं पटक रगत दिएका छन् ।
कार्यक्रममा कर्माचार्यसहित ४१ जनाले रक्तदान गरेका थिए । त्यसक्रममा संकटमा रगत जुटाएर व्यक्तिको जीवन बचाउने अभियानमा लामो समयदेखि योगदान पुर्याउँदै आएका कर्माचार्यलाई अभिनन्दनसमेत गरिएको थियो ।
काठमाडौँ। नेपाल स्वयंसेवी रक्तदाता समाज २० वडा नगर समितिको आयोजनामा कोरोना भाइरसको महामारीको कारण कोरोना संक्रमितहरुलाई रगतको अभावले गर्दा ज्यान गुमाउन नपरोस भन्ने हेतुले काठमाडौँको चिकमुगल टोलमा रक्तदान कार्यक्रम आयोजनामा गरेको नेपाल स्वयंसेवी रक्तदाता समाज २० वडा नगर समितिका अध्यक्ष राम रन्जितले जानकारी गराएको छ।
नेपाल स्वयंसेवी रक्तदाता समाजका केन्द्रिय अध्यक्ष प्रेमसागर कर्माचार्यको प्रमुख आतिथ्यत्वमा गरियको हो साथै २० वडाका अध्यक्ष राजेन्द्र मानन्धर तथा महानगरीय प्रहरी वृत जनसेवाका प्रमुख DSP दिल बहादुर मल्लको बिशेष उपस्थित रहेको उक्त मानविय कार्यक्रममा महिला पुरुष गरि जम्मा २८ जनाले रक्तदान गरेका छन्।
काठमाडौं! प्रतिनिधि सभा सदस्य माननीय जीवनराम श्रेष्ठबाट काठमाडौं महानगरपालिका वडा नं. १५ स्थित डल्लु चौतारामा डल्लु ल्व; हिटी अर्थात ढुंगे धारा समुदघाटन गर्नुभयो ।
स्थानीय जनसमुदायको माग अनुसार निर्माण कार्यको लागि काठमाडौं क्षेत्र नं. ८ स्थानीय पूर्वाधार विकास साझेदारी कार्यक्रम अन्तर्गत १५ लाख बजेट बिनियोजन गरिएको थियो ।
हमुमान ढोका विश्व सम्पदादेखि स्वयम्भू विश्व सम्पदासम्म जाने सम्पदा मार्गमा पर्दछ । बजेटबाट ढुङ्गेधाराको पुनः निर्माण र नव जागृति क्लब खेल मैदानमा स्नान गृह र सार्वजनिक शौचालय निर्माण गरिएको छ। माननीय जीबनराम श्रेष्ठले काठमाडौं लाई सांस्कृतिक शहर बनाउनुपर्ने र यहाँको पहिचान कायम गर्न र पर्यटन उद्योगको बिकासको लागि आफुले हनुमानढोका बाट स्वयम्भू सम्मको बाटोलाई सम्पदामार्ग बनाउने योजना अगाडि बढाउने कार्य भैसकेको यो कार्य पनि यसको अंगको रूपमा बिकाश गरेको बताउनु भयो।
डल्लु ल्व; हिटी (ढुङ्गेधारा) समुद्घाटन कार्यक्रमको सभापति जेष्ठ नागरिक प्रेम मानन्धर, स्वागत मनराजा रन्जित ले गर्नु भएको थियो र सन्चालन क्लबका अध्यक्ष समितिका सदस्य मधुसुदन मानन्धर, १५वडा अध्यक्ष तथा काठमाडौं महानगरपालिका प्रबक्ता ईश्वरमान डगोल, संरक्षण तथा जिर्णोद्वार उपभोक्ता समितिका अध्यक्ष अमर बहादुर रंजित, समाजसेवी सुबर्णमान डगोल, गंगा रंजित, राजु खरेल र उपभोक्ता समितिका पदाधिकारीहरु र स्थानीय जनसमुदायको उपस्थिति रहेको थियोे।
काठमाडौँ । !मथुरा राम श्रेष्ठको प्रमुख आतिथ्यत्वमा नेपाल रेडक्रस सोसाइटी छत्रपाटी उपशाखाको १७ औ साधारण सभा सम्पन्न भएको छ।
१७ वडाका अध्यक्ष नबिन मानन्धर तथा २५ वडाका अध्यक्ष नीलकाजी शाक्य उक्त कार्यक्रममा अतिथि रहनु भएको हो।
अञ्जना मस्के श्रेष्ठले संचालन गरेको उक्त कार्यक्रमको सभापति प्रशान्त मान मास्के रहनु भएको हो।
काठमाडौं ! नेपाल स्वयंसेवी रक्तदाता समाज,काठमाडौं महानगरपालिका १९,२०,२३ र २४ वडा नगर समितिको संयुक्त मुल आयोजनामा यहि पुष २५ गते शनिबारका दिन चोभार डांडामा रक्तदान एवं परिचायत्मक वन भोज कार्यक्रम सम्पन्न भएको छ!
उक्त कार्यक्रममा बागमती प्रदेशका सांसद माननीय श्री राजेश शाक्य ज्यु को उपस्थिति रहेको थियो! महानगरीय प्रहरी बृत कीर्तिपुरका प्रहरी प्रमुख D.S.P श्री रुकेश तण्डुकार ज्युले मायाको चिनो प्रदान गरिएको उत्त कार्यक्रममा नेपाल स्वयंसेवी रक्तदाता समाजका केन्द्रिय अध्यक्ष प्रेम सागर कर्मचार्य ज्युले कार्यक्रममा सहभागी सम्पुर्ण महानुभावलाई खादा ओढाई सम्मान गरि स्वागत गर्नु भएको थियो!
ने.स्व.र.स मा नयाँ आजिवन सदस्यहरुलाई सदस्यता प्रमाणपत्र वितरण गर्नु भएको थियो! यस् संस्थाका १९ नं. वडाका अध्यक्ष बिनोद खड्गी,२० नं. वडाका राम रन्जित, २३ नं. वडाका अध्यक्ष राकेश लाल श्रेष्ठ र २४ नं.वडाका काेषाध्यक्ष ओम कृष्ण रन्जितकारले केन्द्रिय अध्यक्ष श्री प्रेम सागर कर्माचार्य ज्युलाई खादा ओढाई सम्मान गर्नु भएको थियो!
र यस् संस्थाको २० वडाका सचिब राजेश मानन्धरले कार्यक्रम संचालन गर्नु भएको थियो! जम्मा ३२ जना ब्यक्तिले रक्तदान गर्नु भएको थियो भने नेकपा पार्टीका नेता श्री उमेश स्थापितले पनि रक्तदान गर्नु भएको थियो साथै नेकपा पार्टीका नेता आदरणीय श्री राजन गौतम ज्युको पनि उपस्तिथिती रहेको थियो!
सो कार्यक्रममा 110 जनाको उल्लेखनीय सहभागीता रहेको थियो! रगतको अभाव हुन नदिन यस् नेपाल स्वयंसेवी रक्तदाता समाजका केन्द्रिय अध्यक्ष श्री प्रेम सागर कर्माचार्य ज्युले भन्नू भयो सदैब यस् संस्था मा अग्रसर रही मानवीय कार्यमा हरेक बिरामीले रगतको दिलाउने बताउने भन्नू भयो! साथै आउदो दिनमा सबै ब्यक्तिलाई यस संस्थामा आवद्ध गराउदै जनचेतनामूलक कार्यक्रम हरु आयोजना गर्ने बताउनु भयो!
मिस:नेवा नेपालका प्रतिस्पर्धीहरुले आफ्नो मौलिक सस्कृति र परम्पराको जगेर्ना गर्न बनाए यो:मरी
काठमाडौँ। नेप्लिज फेशन होमको आयाेजनामा याेमरी पुर्णिामाकाे उपलक्ष्यमा मिस:नेवा नेपालका प्रतिस्पर्धीहरुले यो:मरी बनाउन सिक्ने र सिकाउने कार्यक्रम गरेको छ।
बिगतका बर्ष झै यस बर्ष पनि मिस नेवाहरुबाट नेवारी परिकार यो:मरी बनाएर आफनो मौलिक कला तथा संस्कृतिको जगेर्ना गरेका छन् ।
उक्त कार्यक्रमको उद्घाटन सञ्चार विज्ञ राजेन्द्र मानन्धरले पानसमा दियो बाली उद्घाटन गर्नु भएको थियो । विगत १७ वर्ष देखि निरन्तर रुपमा नेवार कला, भाषा तथा संस्कृतिलाई जगेर्ना गर्ने उद्देश्यले स्थापित नेप्लिज फेसन हाेमले प्रत्येक वर्ष झैं यसपाली पनि १५ आौं मिस नेवा: नेपाल यहि माघकाे अन्तिममा फाईनल हुने गरि आयाेजना गर्ने र हाल १५ जना नेवा:चेलीहरुले प्रतिस्पर्धा गर्नेछन।
मिस नेवा:हरु सुनिता डंगाेल , नितु डंगोल, संगिता महर्जन , प्रजिता श्रेष्ठ , राेशनी कुम्पाखा तथा पल्सा श्रेष्ठ द्वारा प्रतिस्पर्धि नेवारी सुन्दरीहरलाई योमरी बनाउन सिकाउनुका साथै योमरी बनाउने प्रतिस्पर्धाको आयोजना पनि गरेको थियो ।
काठमाडौँ। मेलमिलाप दिवसको अवसरमा पूर्व मन्त्री, समाजसेवी , भाषा सेवी तथा नेपाली कांग्रेसका नेता तीर्थराम डंगोलद्वारा गठन गरिएको तेज-तिर्थ ट्रसद्वारा हरेक बर्ष बितरण गर्दै आएको सम्मान तथा पुरस्कार यस बर्ष पनि बितरण गरिएको छ।
काठमाडौँको रत्नपार्कस्थित शान्ति वाटिकामा गरिएको उक्त कार्यक्रम पूर्व राष्ट्रपति डाक्टर रामबरण यादवको प्रमुख अतिथ्यत्वमा भएको हो।
कार्यक्रममा पूर्व रक्षा मन्त्री भिमसेन दास प्रधान अतिथिको रूपमा उपस्थित भएको हो।
कार्यक्रममा प्रमुख अतिथिद्वारा साहित्यकार नारायण देवी श्रेष्ठ तथा योगेन्द्र मान श्रेष्ठलाई यस बर्षको तेज-तिर्थ सम्मान तथा पुरस्कार वितरण गरिएको हो भने सम्मानकै क्रममा पत्रकारद्वय अजय शिवाकोटी तथा निर्मला आचार्य र मानव अधिकारवादी शिव प्रशाद कंगाललाइ बितरण गरिएको हो। नारायण देवी श्रेष्ठको पुरस्कार उहाको प्रतिनिधि उहाको छोरा दिनेश श्रेष्ठलाई हस्तान्तरण गरिएको हो।
प्रमुख अतिथि तथा नेपालको पहिलो राष्ट्रपति यादबले” लोकतन्त्र तथा संविधानको रक्षाका लागि आ- आफ्नो क्षेत्रबाट आवाज उठाउनु पर्ने ” कुरामा जोड दिनु भएको छ।
उहाले” असम्बैधानिक रुपमा संबिधान बिघतन भैसकेको आजको अवस्थामा अब नेपालको राजनीति कुन ठाउमा पुग्ने हो” भनि चिन्ता ब्यक्त गर्नु भएको छ।
कार्यक्रममा तेज -तिर्थ ट्रसका प्रमुख तीर्थराम डंगोलले” राष्ट्रलाई सुहाउदो र समाजलाई राम्रो बाटो देखाउने व्यक्तित्वहरुलाई हरेक बर्ष यो सम्मान तथा पुरस्कार बितरण गर्ने गरिएको बताउनुका साथै आज मेलमिलाप दिवसको उपलक्षमा यो सम्मान तथा पुरस्कार वितरण गर्न पाउदा आफु तथा आफ्ना परिवारहरु निकै हर्षित भएको” चर्चा गर्नु भयो।
काठमाडौँ। चिक:मूग टोल गणेश मूर्ति पुन: स्थापना समितीले आज श्री गणेशको मूर्ति स्थापना गरिएकोछ।
उक्त मुर्ति स्थापना सोहि टोलका स्थानीय बासिन्दा राजेश मानन्धरको संयोजनमा भएको हो भने उपसंयोजकमा स्थानीय बासिन्दा राम रंजित रहेको हो।
मूर्ति स्थापना बिशेष पूजा गरि गरिएको हो,मूर्ति स्थापमा पश्चात प्रसाद ग्रहण तथा उक्त मूर्ति प्रतिस्थपन गर्न आर्थिक र भौतिक सहयोग गर्ने व्यक्तित्वहरुलाई सम्मान गरिएको थियो।
पुन:स्थापना गरिएको उक्त स्थानमा पहिले नै पुरातात्विक गणेशको रहेको र तत्कालिन समयमा मूर्ति चोरी भएकोले पुरानै खालि रहेको स्थानमा नया मूर्ति स्थापना गरिएको संयोजक र उपसंयोजकाले जानकारी गराएको छ।
नौ महिनाको अथक प्रयास पछि उक्त स्थानमा श्री गणेशको मूर्ति पुन: स्थापना गरिएको पनि उहाहरुले बताएका छन्।
फोटो ;आकास बज्राचार्य
काठमाडौँ। माननीय जीवन राम श्रेष्ठद्वारा नार्गाजुन नगरपालिका वडा न. ५ छोकडोल सितापाईलामा मुनाफा रहित सामुदायिक शिक्षण संस्था श्रृजना कलेज अफ फाइन आर्ट भवन निर्माणका लागि जगकोे शिलान्यास गर्नु भएको छ ।
साढे दुई रोपनीक्षेत्रफलमा निर्माण हुनलागेको भबनको कुल लागत पाँच करोड पचास लाख रहेको छ। यस भबन निर्माणको लागि काठमाडौं महानगर पालिकाबाट र यु जि सि बाट सहयोग प्राप्त भएको र नपुग रकम सघिय र प्रदेश सरकार सग सहयोगको अपेक्षा गरेको कलेज संचालक ले बताउनुभयो। माननीय श्रेष्ठले आर्त बिधामा गैर नाफामुलक समुदायबाट सन्चालन गरिएको एकमात्र कलेज भएको र राष्ट्रलाई चिनाउने संस्कृति सम्पदा र इतिहास लाई संरक्षण गर्दै जिबन्त राख्ने कला भएको हुँदा यसको बिकास र बिस्तार गर्न अति आबश्यक भएको र राष्ट्रको सम्बृद्धि को चिनारी पनि भएको हुँदा सरकारले यस्तो बिधाको बिकासमा थ्यान दिनु पर्ने बताउनु भयो।
बर्तमान सरकार सम्बृद्धि को लक्ष्य लिएर अगाडि बढेको हुंदा सरकारको तर्फबाट सहयोग हुनेमा बिश्वास ब्यक्त गर्नु ।का साथै कलेज भबनको निर्माण कार्य समयमा सम्पन्न गर्न आफ्नो तर्फबाट पुर्ण सहयोग गर्ने बताउनुभयो।
उक्त कार्यक्रममा नार्गाजुन नगरपालिकाका उपमेयर सुशिला अधिकारी, ना.न पा. वडा न. ५ का अध्यक्ष महेश रिमाल, कलेज संचालक समितिका अध्यक्ष मनमोहन श्रेष्ठ लगायत संचालकसमितिका पदाधिकारी रस्थानीय जनसमुदायको उपस्थिती रहेको थियो ।
काठमाडौं । काठमाडौँ महानगरपालिकाका प्रमुख विद्या सुन्दर शाक्यले संस्कृति र परम्पराको जगेर्ना गर्ने कुरामा काठमाडौँ महानगरपालिका दत्तचित्त भएर लागेको बताउनु भएको छ ।
उहाँले सम्पदा संरक्षणलाई महानगरपालिकाले प्राथमिकतामा राखेर निर्माण–पुर्ननिर्माणको अभियान अघि बढाएको पनि बताउनु भयो । आज वडा २५ श्रीघः, नघलस्थित धर्मकीर्ति विहारको विस्तारित भवनको शिलान्यास गर्दै उहाँले यस्तो बताउनुभएको हो । ‘क्वाःपा, द्योःछेँ, बहाल, बही, सत्तल जस्ता सांस्कृतिक सम्पदाको निर्माण–पुर्ननिर्माणको अभियानलाई महानगरपालिकाले प्राथमिकतामा राखेर अघि बढाएको छ,’ उहाँले भन्नुभयो, ‘गुठी परम्परालाई जीवन्त बनाइराख्न पनि काठमाडौँ महानगरपालिकाले आवश्यक लगानी गर्दै आएको छ ।’
उहाँले सम्पदा निर्माण गर्दा जनसमुदायको पनि अपनत्व हुने गरी काम आग्रह समेत गर्नुभयो । ‘तपाईँहरु सम्पदा निर्माण–पुर्ननिर्माणको योजना लिएर आउनुहोस् बजेट अभाव हुन दिन्न,’ उहाँले भन्नुभयो, ‘सम्पदा निर्माण एक जनाको मात्र पहलमा सम्भव हुँदैन । सबैको सहयोग आवश्यक रहने भएकाले महानगरपालिका भित्रका सम्पदा निर्माणमा सबैको हातेमालो आवश्यक छ ।’ शाक्यले कार्यक्रममा सम्वोधन गर्दै कामपाले विभिन्न थेरवादी तथा वज्रयानी विहारहरू निर्माण गर्न आवश्यक सहयोग पु¥याउँदै आएको स्मरण समेत गराउनुभयो ।
काठमाडौं नगर भित्र अवस्थित बुद्ध विहारको मुल भवन, लुम्बिनीको वज्रयान महाविहार, जनबहाल (सेतो मत्स्येन्द्रनाथ)को दिगीछेँ, स्वयम्भूस्थित भजनघरसँगैको विहार, स्वयम्भूस्थित आनन्दकुटी विहार, किम्डोलस्थित आनन्दभुवन विहार, वानेश्वरस्थित अन्तर्राष्ट्रिय बौद्ध भावना केन्द्र निर्माण गर्न सहयोग गरिरहेको जानकारी समेत दिनुभयो । ‘मानव निर्मित सम्पदाले धनी काठमाडौँ सांस्कृतिक सहर हो ।
काठमाडौँ महानगरलाई मुर्त–अमुर्त सम्पदाले सुन्दर बनाएको छ,’ शाक्यले भन्नुभयो, ‘सहरभित्रका सम्पदालाई काठमाडौंबाहिरका सम्पदासँग जोडेर पर्यटन क्षेत्रको विकास गर्ने र यसबाट स्थानीयको आयमा समेत वृद्धि गर्ने योजना अनुसार केही दिन अघि मात्रै हामीले लुम्बिनी प्रदेशको रामग्राम नगरसँग भगिनी सम्बन्ध स्थापना गरेका छौं । यसै गरी भगवान वुद्धको मावली घर भएको पण्डितपुरमा कोलिय शान्ति पार्क निर्माण गर्न १ करोड ५० लाख रुपैयाँ सहयोग उपलब्ध गराउने निर्णय गरेका छौं ।’ सम्पदा क्षेत्रको व्यवस्थापनमा गरिएको त्यो लगानीले पर्यटन उद्योगमार्फत राष्ट्रिय समृद्धिमा टेवा पुग्ने अपेक्षा लिएको पनि बताउनुभयो ।
‘स्थानीयलाई राष्ट्रिय अन्तरराष्ट्रिय क्षेत्रमा पहिचान गराउन हामीले लुम्बिनीमा नेपाली बिहार निर्माण गर्न ४ करोड २० लाख सहयोग गरेका छौं,’ उहाँले भन्नुभयो, ‘कामठाडौँ महानगरपालिकाले सार्वजनिक जग्गा संरक्षण र हरियाली विकास गर्न नगर–नगर साझेदारी कार्यक्रम अन्र्तरगत काठमाडौंका सबै नगरसहित मध्यपुर थिमीमा शंखधर पार्क निर्माणका लागि पनि सहयोग गरेको छ ।’ विहारको विस्तारित भवनको लागत ४ करोड २८ लाख रुपैयाँ हो
। त्यसमध्ये पहिलो चरणमा करीब १ करोड लागतका काम हुनेछ । विस्तारित भवन निर्माण उपभोक्ता समितिका संयोृजक अभयरत्न कंसाकारले भन्नुभयो — ‘पहिलो चरणमा लाग्ने कुल ९९ लाख ९९ हजार १६५ रुपैयाँको १५ प्रतिशत अर्थात् १४ लाख ९९ हजार ८७४ रुपैयाँ उपभोक्ता समितिले व्यहोर्नेछ । बाँकी ८५ प्रतिशत अर्थात् ८४ लाख ९९ हजार २९० रुपैयाँ महानगरको सहयोग हुनेछ ।’
