काठमाडौँ । नेपाल कम्युनिष्ट पार्टी नेकपाका वरिष्ठ नेता एवं पुर्वप्रधानमन्त्री माधवकुमार नेपालले पार्टी भित्रको वाद–विवादबाट आत्तिहाल्नु पर्ने कुनै कारण नभएको बताउनु भएको छ । आज काठमाठौँ महानगरपालिका वडा–१८ मा निर्माण भएको पुष्पलाल स्मृति पार्कको आज उद्घाटन गर्दै नेपालले यस्तो बताउनु भएको हो । ‘बाहिर फैलिएको हल्लाको आधारमा होइन हामी मिहिन ढंगले वाद–विवाद, सम्वाद गरिरहेका र्छौँ,’ नेपालले भन्नुभयो, ‘वादेवादे जायते तत्ववोध’ भने जस्तै वाद, विवाद, सम्वाद हुने वित्तिकै आत्तिहाल्नु पर्ने केही छैन । विधिबाट सबै टुंगो लगाउनुपर्छ । हामी त्यहि प्रयासमा छौँ ।’
उहाँले को नेता छ भन्ने होइन कस्तो पार्टी बनाउने भन्ने कुराको आधारमा चल्नुपर्नेमा पनि जोड दिनुभयो । ‘नेताहरुको बिचमा विश्वास र समझदारीको समन्वय भयो भने अनि विधिको आधारमा टेकेर चल्ने अवस्था भयो भने जस्तो सुकै चुनौतिको सामना गर्न सकिन्छ,’ उहाँले भन्नुभयो, ‘एकताबद्ध भएर अघि बढ्न सकिन्छ । हामी सबै त्यहि दिशामा अघि बढौँ । पुष्पलाको योगदानलाई चीरस्थाई बनाई राख्न पनि हामीले पार्टी एकतालाई बलियो बनाउने कुरालाई केन्द्रमा राखेर अघि बढ्नुपर्छ ।’
नेता नेपालले पार्टीको अहिले बसिरहेको बैठक र पार्टी भित्रको विवादका विषयमा धेरै किसिमका चर्चा–परिचर्चा चलिरहेको बारे आफू पनि जानकार रहेको बताउनुभयो । ‘यो विवादको चर्चाले हाम्रा सुभचिन्तकहरु धेरै चिन्तित भएका छन् । बैरीहरु धेरै खुशी भएका छन्,’ उहाँले भन्नुभयो, ‘पार्टी विधि र पद्धतिबाट चल्छ, पार्टी तौर–तरिकाबाट चल्छ । असल व्यवहार र आचरणबाट चल्छ । कम्युनिष्टहरु इमान्दार हुन सक्नुपर्छ । जनताको सेवाको भावनाप्रति समर्पित भएर चल्न सक्नुपर्छ । त्यहि बिचारबाट हाम्रा कार्यकर्तालाई प्रशिक्षित गर्न सक्ने हो भने सबै तहका जनप्रतिनिधिहरुलाई राम्ररी प्रशिक्षित गर्न सक्ने हो भने राम्रा काम गर्नेलाई गौरवबोध हुन्छ । कमी–कमजोरी गर्नेलाई सुधार गर्ने मौका मिल्छ ।’
नेता नेपालले कसैले जानि–जानि कमजोरी गर्छ भने त्यसको सजाए पार्टीले होइन व्यक्तिले पाउनुपर्छ भन्नुभयो । ‘व्यक्तिले गरेको गल्तीमा पार्टीले सजाय भोग्ने हो भने पार्टी चिप्लिन्छ,’ उहाँले भन्नुभयो, ‘पहिलो पुस्ता, दोस्रो पुस्ता, तेस्रो पुस्ताले गरेको त्याग, तपस्या, बलिदान, विचार र संगठनमा गरेको मेहनतको आधारमा यो पार्टीको संरचना खडा भएको हो । एक जनाको पौरखबाट होइन हामी सबैको पौरखबाट यो निर्माण भएको छ भन्ने सन्देश हामी सबैले दिइरहेका छौँ । यहि सन्देशका आधारमा हामी अघि बढ्नुको अर्को विकल्प छैन ।’
उहाँले समाजवाद स्थापना गर्ने नयाँ युगमा प्रवेश गरेको भन्दै सबै किसिमको चुनौतिको सामना गर्दै एकताबद्ध हुँदै अघि बढ्नु पर्ने जिम्मेवारी सबै नेताको काँधमा आएको पनि बताउनुभयो ।
काठमाडौँ महानगरपालिकाका प्रमुख विद्यासुन्दर शाक्यले पनि सबै नेताहरुलाई एकताबद्ध भएको सन्देश दिएर आम कार्यकर्ता र नेपाली जनताको मन जित्न सुझाव दिनुभयो । प्रदेश सांसद बसन्त मानन्धरले नेकपाको विकल्प नेकपा नै भएको भन्दै नेता प्रधान नभइ नीति प्रधान हुनुपर्नेमा जोड दिनुभयो । वडाध्यक्ष नुच्छेकाजी महर्जनले पार्टीका गोप्य बैठकका समाचार बैठक नसकिइ सामाजिक सञ्जालमा आउने कुरा दुःखद् भएको भन्दै नेताहरुाई एकताबद्ध भएको सन्देश दिन आग्रह गर्नुभयो ।
संसद बैठकले नयाँ नक्साअनुसार निशान छाप परिर्वतन गर्न ल्याइएको संविधान संशोधन विधेयक सर्वसम्मत पास गरेको छ । यससँगै लिम्पियाधुरा, कालापानी, र लिपुलेक क्षेत्र समेटिएको नेपालको नयाँ राजनीतिक नक्सालाई संवैधानिकता दिइएको छ ।
शनिबारको बैठकमा उपस्थित २५८ सांसद सबैले संविधान संशोधन विधेयकको पक्षमा मत दिएका हुन ।
प्रतिनिधि सभाको दिउँसो १ बजेको बैठकबाट नक्सा सम्बन्धी नेपालको संविधान दोस्रो संशोधन विधेयक पारित गर्ने कार्यसूची तय भएको छ । कार्यसूची अनुसार बैठकमा कानुन, न्याय तथा संसदीय मामिलामन्त्री शिवमाया तुम्बाहाङफेले नेपालको संविधान दोस्रो संशोधन विधेयक २०७७ माथि छलफल र पारित गर्ने प्रस्ताव प्रस्तुत गर्नेछिन् ।
लिम्पियाधुरा, कालापानी, लिपुलेक, कुटी, गुञ्जी, नावीसहितको भूभाग समेटेर सार्वजनिक गरेको नेपालको नयाँ राजनीतिक तथा प्रशासनिक नक्सालाई संवैधानिक मान्यता दिने गरी सरकारले संविधान संशोधन विधेयक ल्याएको छ । विधेयकमा सबै राजनीतिक दलहरुले समर्थन जनाएका छन् ।
काठमाडौँ । उपत्यका नगरपालिका फोरमले काठमाडौँ उपत्यका विकास प्राधिकरण अविलम्ब खारेजी गर्न संघीय सरकारसँग आग्रह गरेको छ । फोरमले विज्ञप्ति जारी गरी सहरी विकास मन्त्री बसन्तकुमार नेम्वाङ र राज्यमन्त्री रामवीर मानन्धरसँग यस्तो आग्रह गरेको हो । विज्ञप्ति जारी गर्नु अघि फोरमका अध्यक्ष समेत रहनु भएका काठमाडौँ महानगरपालिकाका प्रमुख बिद्यासुन्दर शाक्य, उपाध्यक्ष एवं ललितपुर महानगरपालिकाका प्रमुख चिरिबाबु महर्जन र सचिव एवं मध्यपुर ठिमी नगरपालिकाका प्रमुख मदनसुन्दर श्रेष्ठले सहरी विकास राज्यमन्त्री मानन्धरसँग छलफल गर्नुभएको थियो । २०४५ सालमा तत्कालिन राजा वीरेन्द्रले लालमोहर लगाएको ऐनका आधारमा चलेको उपत्यका विकास प्राधिकरणलाई अहिलेको संविधानले नचिनेको भन्दै नगरपालिका फोरमले पटक–पटक खारेजीको माग गर्दै आएको छ । काठमाडौं उपत्यका विकास प्राधिकरण २०६८ मा पहिलो संशोधन भएको थियो ।
२०७६ साल बैशाख २५ गते फोरमका अध्यक्ष शाक्यको अध्यक्षतामा सम्पन्न चौथो बिस्तारित बैठकले पनि तत्काल प्राधिकरण खारेजीको माग गरेको थियो । ‘प्राधिकरण २०४५ सालमा गठन भएको संस्था हो । यो संस्था राजा विरेन्द्रले जारी गरेको पञ्चायती अवशेषको ऐनमा टेकेर बसिरहेको छ । यसको जग नै बलियो छैन,’ फोरमका सचिव श्रेष्ठले भन्नुभयो, ‘प्राधिकरण मुलुकमा गाउँपञ्चायत रहँदा स्थापना भएको संस्था हो । अहिले गाविस हुँदै स्थानीय सरकार बनिसकेको अवस्थामा र वर्तमान संविधानले समेत नचिनेको संस्था राखिराख्न उचित छैन ।’ उहाँले उपत्यकाको राजनीतिक, सामाजिक, आर्थिक, प्रशासनिकसँगै मानिसको चेतनामा पनि व्यापक परिवर्तन भैसकेको वर्तमान अवस्थामा प्राधिकरणको कुनै औचित्य नरहेकाले खारेजीको अर्को विकल्प नभएको पनि बताउनुभयो ।
‘नेपालमा पञ्चायती व्यवस्था हटेर बहुदल हुँदै संघीय लोकतान्त्रिक गणतन्त्रात्मक नेपाल स्थापना भएको छ । तर, अहिले उपत्यकामा नयाँ शहर निर्माणका लागि त्यही पञ्चायती अवशेषको ऐनमा टेकेको उपत्यका प्राधिकरणलाई अघि सार्न खोजिएको छ । यसमा पुर्नविचार गर्नुपर्छ । हामीले सहरी विकास मन्त्री र राज्यमन्त्री दुबै जनालाई यही आग्रह गरेका छौँ,’ श्रेष्ठले भन्नुभयो, ‘यसमा पुर्नविचार नगर्ने हो भने उपत्यकाका सबै नगरपालिकाको असहयोग रहन्छ ।’
उपत्यकाका संघीय र प्रदेश सांसदहरुसँगै विज्ञहरुसँग पनि यस विषयमा छलफल गरेर त्यसको निष्कर्षसहित प्रधानमन्त्रीलाई भेट्नेसम्मको तयारीमा उपत्यका नगरपालिका फोरम रहेको श्रेष्ठले जानकारी दिनुभयो । ‘स्थानीय तहका निर्णय नमान्ने, स्थानीय तहका आयोजनामा सहयोग गर्ने, जनप्रतिनिधिलाई निर्देशन दिने, नगरसभाले गरेका निर्णय बिरुद्ध अदालतमा मुद्दा दायर गर्न जाने जस्ता कार्यमा प्राधिकरण लागिरहेको छ,’ उहाँले भन्नुभयो, ‘अधिकार क्षेत्र बाहिर गएर स्थानीय तहको अधिकार प्रयोगमा समेत बाधा पु¥याइरहेको यो संस्था खारेजी बाहेक अरु कुनै विकल्प छैन ।’
उहाँले नगरपालिका र उपत्यका प्राधिकरणको काम, कर्तव्य र अधिकार ९० प्रतिशत भन्दा माथि मिल्दोजुल्दो रहेको भन्दै संघीय संरचना अनुसारको स्थानीय सरकारलाई बाइपास गरेर प्राधिकरणलाई अघि सार्ने कुरा कुनै हालतमा स्वीकार्य नहुने दाबी गर्नुभयो । ‘उपत्यकाका १८ वटा नगरपालिकाका मेयरको पनि मेयर हुँ भन्ने भ्रम प्राधिकरणको नेतृत्वमा छ,’ उहाँले भन्नुभयो, ‘त्यहि अनुसारको गतिविधिमा नेतृत्व लागेको छ । यो संघीयताको मर्म विपरित छ । त्यसैले संविधानले नचिनेको यो संस्था खारेज हुनुपर्छ भन्ने हाम्रो माग हो ।’
मन्त्रिपरिषद बैठकले लकडाउन जेठ २० सम्म लम्ब्याउने निर्णय गरेको छ । सरकारले यसअघि जेठ ५ गतेसम्म लकडाउन कायम राख्ने निर्णय गरेको थियो । कोभिड १९ सम्बन्धी उच्चस्तरीय समन्वय समितिले लकडाउन लम्ब्याउन सिफारिस गरेको थियो । समितिको आइतबार बसेको बैठकले लकडाउन लम्ब्याउनुको विकल्प नभएको निष्कर्ष निकालेको हो । पछिल्लो समय कोरोना संक्रमण फैलिएको र मृत्यु पनि भएपछि सरकार लकडाउन लम्ब्याउने निर्णयमा पुगेको हो ।
प्रधानमन्त्री केपी शर्मा ओली र इजरायलका राष्ट्रपति रुभेन रुबि रिभ्लिन बीच इजरायलमा रहेका नेपालीहरुको सुरक्षा र कल्याणका विषयलमा २० मिनेट टेलिफोन वार्तालाप भएको छ । प्रधानमन्त्री ओलीको चासो प्रति इजरायलका राष्ट्रपतिले नेपालीहरु आफन्त सरह इजरायमा बसिरहेकाले चिन्ता नलिन आग्रह गर्नुभएको छ ।
साथै प्रधानमन्त्री ओलीले इजरायलको ७२ औं स्वतन्त्रता दिवसका उपलक्ष्यमा शुभकामना प्रदान गरेको आफ्नो ट्विटरमा उल्लेख गर्नुभएको छ । इजरायलको कृषि प्रविधि नेपालमा हस्तान्तर गर्ने विषलम कुराकानी भएको प्रधानमन्त्री ओलीले उल्लेख गर्नुभयो । कोरोना विरुद्ध सँगै लड्ने र यस विपत्ति पछिको आर्थिक रुपान्तरनमा मिलेर जाने सल्लाह भएको उल्लेख गर्नुभएको छ ।
नेकपा सचिवालय वैठक : वामदेव गौतम प्रधानमन्त्रीमा र माधवकुमार नेपाल तेस्रा अध्यक्षमा प्रस्ताव
प्रधानमन्त्री केपी शर्मा ओलीले बुधबार बसेको पार्टी सचिवालय बैठकमा उपाध्यक्ष वामदेव गौतमलाई प्रधानमन्त्री बनाउने प्रस्ताव राख्नु भएको छ । त्यस्तै माधवकुमार नेपाललाई तेस्रो अध्यक्ष बनाउने प्रस्ताव राख्नु भएको छ ।
पार्टि भित्र र बाहिर धेरै आलोचना भएको समयमा प्रधानमन्त्री र नेकपा अध्यक्ष पद छोड्न दबाब आएका बेला प्रम ओलीले नेकपा सचिवालय वैठकमा यस्तो प्रस्ताव राख्दै सबैलाई चकित पारेका हुन् । आफूविरूद्ध एकजुट भएका सचिवालयका बहुसंख्यक सदस्यलाई विभाजित गर्ने मनसाय र आसन्न संकट टार्ने अपेक्षाका साथ प्रधानमन्त्री ओलीले यो प्रस्ताव ल्याएका हुन् । नौ सदस्यीय सचिवालयमा ओली अल्पमतमा छन् ।
वैठकमा पुर्वप्रधानमन्त्री तथा नेकपा अध्यक्ष प्रचण्डले प्रधानमन्त्री ओली आफै पार्टी एकताविरोधी गतिविधिमा लागेको, आफ्ना मानिसहरूको भेला गराउँदै हिँडेको र आवश्यक परे पार्टी फुटाउने नियतका साथ काम गरेको आरोप लगाए। ओलीले राजनीतिक दल विभाजनसम्बन्धी अध्यादेश आफ्नै पार्टी फुटाउने नियतका साथ आएको प्रचण्डले आरोप लगाए । त्यस्तै, संवैधानिक परिषद ऐन संशोधन गर्ने अध्यादेश ल्याएर सत्ता कब्जा गर्न खोजेको उनले बताए । प्रचण्डले ओलीलाई प्रधानमन्त्रीको पदबाट राजिनामा मागेका थिए ।
यसैको जवाफमा आफ्ना प्रस्ताव राखेका थिए । कोरोना महामारीको समस्या सकिएपछि अनुकूल समयमा आफूले राजिनामा दिने उनले बताए । त्यस्तै गौतमलाई प्रम बनाउन राष्ट्रियसभा सदस्यलाई प्रधानमन्त्री बन्न मिल्ने गरी संविधान संशोधन गरेर वा कुनै निर्वाचन क्षेत्र खाली गरी जिताएर प्रधानमन्त्री बनाउने प्रस्ताव पेश गरे ।
उता वरिष्ठ नेता झलनाथ खनालले समस्या समाधानका लागि स्थायी समिति बैठक बोलाउन माग गरे । माधव नेपालले प्रधानमन्त्री ओलीमा अहंकार धेरै भएको बताए । उनले राजीनामा दिएर मार्गप्रशस्त गर्न माग गरे ।
त्यसपछि बोल्दै वामदेव गौतमले आफुलाई सपनाजस्तो लागेको बताउनुभयो । प्रधानमन्त्रीको प्रस्ताव समर्थन गर्दै स्थायी समिति बैठक बोलाउन आवश्यक नरहेको र सचिवालय बैठकले नै यसबारे निर्णय गर्न प्रस्ताव राखे ।
गृहमन्त्री रामबहादुर थापाले भने प्रधानमन्त्रीले राजीनामा दिने कुरा र वामदेवलाई प्रधानमन्त्री बनाउने प्रस्ताव दुवै ठिक नभएको बताए ।
उपप्रधानमन्त्री ईश्वर पोखरेल र सचिवालय सदस्य विष्णु पौडेलले ओलीको प्रस्ताव ठिक भएको धारणा राखे ।
नारायणकाजी श्रेष्ठले स्थायी समितिको बैठक बोलाउन माग राखे । सचिवालय बैठक वैशाख २० गते फेरि बस्ने श्रेष्ठले बताएका छन्।
कछलाथ्व द्वादशी शनिवार २३ कार्तिक
- राष्ट्रिय सम्बत नेपाल सम्बत 1140
११४० को उपलक्ष्यमा नेपाल कम्युनिस्ट पार्टी को आयोजनामा आज बसन्तपुरको डबलीमा शुभकामना आदान प्रदान तुच्चा का साथै सास्कृतिक कार्येक्रम भएको छ ।
कार्यक्रम मा काठमाडौँ महानगर पालिका का प्रमुख मेयर बिध्यासुंदर शाक्य , साम्सद कृष्ण गोपाल श्रेष्ठ , बामदेव गौतम , साम्सद जीवन राम श्रेष्ठ ,साम्सद अष्टलक्ष्मी शाक्य , साम्सद रामेश्वोर फुयाल लगायत पार्टीका शिर्ष तथा न्हुद : राष्ट्रिय समारोह समिति ११४० का अध्यक्ष रमेश महर्जन तथा लक्ष्मी दाश मानन्धर जस्ता चर्चित बेक्तित्विहरु अथितिको रुपमा उपस्थित भएको छ । नेता झलनाथ खनाल को प्रमुख आथित्येत्वोमा भएको । कार्यक्रमा सोहि पार्टीका शिर्ष तथा बरिस्ठ नेताहरुको बाक्लो उपस्थिति रहेको छ ।तथापि उक्त कार्यक्रममा सर्बसाधारंको पनि उलेखनीय सहभागी रहेको छ ।
कार्यक्रमको रौनकता थप्नका लागि महाकाली नाच तथा सासकिर्तिक कार्यक्रम प्रस्तुत गरियको हो
नेपाल संवत ११४० को उपलक्ष्यमा नेपाल कम्युनिस्ट पार्टीको आयोजनामा शनिबार बसन्तपुरको डबलीमा शुभकामना आदान प्रदान तुच्चाका साथै साँस्कृतिक कार्यक्रम भएको छ ।
कार्यक्रममा काठमाडौँ महानगरपालिकाका प्रमुख मेयर बिध्यासुन्दर शाक्य, सांसद कृष्ण गोपाल श्रेष्ठ, बामदेव गौतम, सांसद जीवनराम श्रेष्ठ, सांसद अष्टलक्ष्मी शाक्य, सांसद रामेश्वर फुयाल लगायत पार्टीका शिर्ष नेता तथा न्हूदँ राष्ट्रिय समारोह समिति ११४० का अध्यक्ष रमेश महर्जन तथा लक्ष्मी दास मानन्धर आदि व्यक्तित्वहरु अतिथिको रुपमा उपस्थित भएका थिए । पूर्व प्रधानमन्त्री झलनाथ खनालको प्रमुख आतिथ्यमा भएको कार्यक्रमा सोहि पार्टीका शिर्ष तथा बरिष्ठ नेताहरुको बाक्लो उपस्थिति रहेको थियो । तथापि उक्त कार्यक्रममा सर्बसाधारणको पनि उल्लेखनीय सहभागीता रहेको थियो ।
कार्यक्रममा महाकाली नाचका साथमा सास्कृतिक कार्यक्रम प्रस्तुत गरिएको थियो ।
काठमाडौं । बाँकेमा नेपाली कांग्रेसका नेता कार्यकर्तामाथि भएको आक्रमणको विरोधमा कांग्रेसले काठमाडौंमा पनि विरोध प्रदर्शन गर्ने भएको छ ।
पार्टी केन्द्रीय कार्यालय सानेपामा पत्रकार सम्मेलन गरी कांग्रेसले उक्त घटनाको भर्त्सना गर्दै विरोधस्वरुप प्रदर्शन गर्ने जानकारी गराएको हो ।
नेपाली कांग्रेसको राष्ट्रिय जागरण अभियान अन्तर्गत बाँकेको खजुरा गाउँपालिका–२ सीतापुरमा बिहीबार कार्यक्रम भइरहेका बेला नेकपाका कार्यकर्ताले आक्रमण गरेपछि नेपाली कांग्रेस बाँकेकी सभापति किरण कोइराला, केन्द्रीय प्रतिनिधि विद्याप्रसाद खनाललगायत पार्टीका केही कार्यकर्ता घाइते भएको प्रवक्ता विश्वप्रकाश शर्माले जानकारी दिए ।
घटनाको विरोधमा आक्रमणकारीलाई कारवाहीको माग गर्दै कांग्रेसका ललितपुर, भक्तपुर र काठमाडौंका सभापतिहरुले २८ भदौ विहान ८ बजे गृहमन्त्रालयमा ज्ञापन पत्र बुझाउने कार्यक्रम तय भएको प्रवक्ता शर्माले बताए ।
उक्त घटनाको विरोधमा शुक्रबार नेपालगञ्जमा पनि प्रदर्शन भएको र शनिबार पार्टी सभापति शेरबहादुर देउवा पनि बाँके जाने शर्माले जानकारी दिए ।
त्यस्तै शनिबार दिउँसो ३ बजे माइतीघर मण्डलामा कांग्रेसले विरोध प्रदर्शनको तयारी गरेको छ ।
कम्युनिष्टको चरित्र उदाङगियो
यसैबीच, कांग्रेस सांसद (प्रतिनिधिसभा) डिला संग्रौलाले बाँकेमा कांग्रेसका नेता कार्यकर्तामाथि भएको आक्रमणले कम्युनिष्टको चरित्र उदाङगिएको बताउँदै सत्ता र शक्तिको उन्मादमा गुण्डागर्दी शैलीमा भएको घृणीत आक्रमणको भत्सर्ना गरेकी छिन् ।
कुनै पनि राजनीतिक दलले शाान्तिपूर्ण रुपमा कार्यक्रम गर्न पाउने संवैधानिक अधिकार माथि ठाडो प्रहार भएको उनको आरोप छ ।
यस्ता अराजक घटना एवं अमानविय कार्य हुदाँ पनि सुरक्षा निकाय, स्थानीय प्रशाासन एवं सरकार मौन वस्नु अत्यन्त दुखद भएको उनले बताएकी छिन् ।
साथै उनले घाइतेहरुको शीघ्र स्वास्थय लाभको कामना गर्दै दोषीलाई तत्काल कारबाही गर्न सरकारसँग माग गरेकी छिन् ।
काठमाडौं । नेपाली कांग्रेसले जागरण अभियानका क्रममा बिहीबार बाँकेमा सत्तारुढ दल नेपाल कम्युनिष्ट पार्टी (नेकपा) समर्थित युवाहरुबाट भएको आक्रमणको घटनाको भर्त्सना गर्दै आपत्ति जनाएको छ ।
पार्टी केन्द्रीय कार्यालय सानेपामा शुक्रबार पत्रकार सम्मेलन गरी प्रवक्ता विश्वप्रकाश शर्माले घटनाको भर्त्सना गर्दै भविष्यमा यस्तो क्रियाकलाप नदोहोर्याउन पनि सरकारलाई चेतावनी दिए । जागरण अभियान कार्यक्रमलाई बिथोल्नका लागि सत्तारुढ दलका कार्यकर्ताबाट भएको आक्रमणको घटनालाई कांग्रेसले घटनाको रुपमा मात्रै नभई प्रवृत्तिको रुपमा विश्लेषण गरेको भन्दै शर्माले प्रतिपक्षी दलप्रति जिम्मेवार बन्न सरकारको ध्यानाकर्षण गराए ।
कांग्रेसले जागरण अभियानका क्रममा केन्द्रदेखि स्थानीय तहसम्ममा भ्रष्टाचारका घटनालाई केन्द्रीय भागमा राखेर उठाउँदै आएकाले नेकपाका कार्यकर्ताहरु तिलमिलाएर आक्रमणमा उत्रेको टिप्पणी प्रवक्ता शर्माले गरे । उनले प्रतिपक्षी दलप्रति सत्तापक्षका कार्यकर्ताबाट हुने दुर्व्यवहार तथा आक्रमणका घटनाले समग्र मुुलुकको राजनीतिप्रति नै नागरिकमा वितृष्णा फैलन सक्ने भन्दै घटनाप्रति गम्भीर बन्न सरकारको ध्यानाकर्षण गरे ।
‘लामखुट्टे त मार्न सक्दैन यो सरकारले भने बाँकी कुरो के पो गर्न सक्ला ? त्यसकारण यो विषयमा सरकार गम्भीर बनोस्,’ प्रवक्ता शर्माले भने, ‘नेपाली कांग्रस पार्टीको कुनै पनि तह र तप्काका साथीहरुमाथि गर्ने दुर्व्यवहारहरु कांग्रेसमाथिको प्रहार मात्रै होइन । यसले समग्र राजनीतिमा वितृष्णा बढ्छ भन्ने कुरालाई सरकारले गम्भीरता पूर्वक सोचोस् ।’
बाँकेको खजुरा गाउँपालिका वडा नम्बर २ को सीतापुरस्थित नेपाल रेडक्रसको सभाहलमा कांग्रेस राष्ट्रिय जागरण अभियानको दोश्रो चरणको कार्यक्रकम चलिरहेका बेला युवाहरुको समूह प्रवेश गरी आक्रमण गर्दा जिल्ला सभापति किरण कोइराला घाइते भएकी छन् । आक्रमणबाट उनको हात भाँच्चिएको र अन्य कार्यकर्ता पनि घाइते भएको कांग्रेसले जनाएको छ ।
