केलटोल मछिन्द्र बहालमा अवस्थित श्री आर्य अवलोकेश्वरको रथ यात्रा चैत दशैको दिन आरम्भ भएको छ।
४ दिनकता रथ सम्म हुने उक्त रथ यात्रा पहिलो दिन असनमा पुर्याइञ्छ भने दोस्रो दिन असनबाट हनुमान ढोका काल भैरब अगाडी विराजमान गराइञ्छ।
श्री भाष्करदेव संस्कारित केशचन्द्र पारावत् महाविहारस्थित देवाद्यः छेँ (कुलदेवता घर)को पुननिर्माणपछि उद्घाटन
काठमाडौँ । काठमाडौँ महानगरपालिकाका मेयर विद्यासुन्दर शाक्यले शनिबार युनेस्कोको सम्पदाको सूचीमा रहेको इतुम्बहाःमा रहेको श्री भाष्करदेव संस्कारित केशचन्द्र पारावत् महाविहारस्थित देवाद्यः छेँ (कुलदेवता घर)को पुननिर्माणपछि उद्घाटन गरेका छन् ।
मेयर शाक्यले उद्घाटनपछि मूर्त÷अमूर्त अभियानअन्तर्गत आप्mनो कार्यकालमा काठमाडौँभित्र रहेका धेरै कुलदेवता घर, आगम घरको पुननिर्माण भइसकेको जानकारी दिए ।
मेयर शाक्यले मूर्तमात्र होइन अमूर्त सम्पदाको संरक्षणमा पनि काम भइरहेको छ, भने । मेयर शाक्यका अनुसार पुननिर्माण गरेर देवाद्यः छेँ श्री भाष्करदेव संस्कारित केशचन्द्रवृmत पारावत् महाविहार संरक्षण समाजलाई सुम्मिसकेपछि अब महानगरपालिकाको काम सकिएको छ । उहाँ भन्छन्– अब यसमा महानगरपालिकाले हस्तक्षेप गर्ने छैन ।
अबदेखि यसको संरक्षण गर्ने जिम्मेवारी केशचन्द्र पारावत् महाविहार संरक्षण समाजको हो । काठमाडौँको मुटुमा रहेको इतुम्बहाःमा काठमाडौँ महानगपालिकाको सहयोगमा देवाद्यः छेँको पुननिर्माण भएको हो । जुन इतुम्बहाःका करीब १५० भन्दा बढी घरधुरीको इस्ट देवताको घरको रुपमा रहेको छ ।
सो देवाद्यः छेँको पुननिर्माण गर्न करीब दुई वर्षअघि शिलान्यास गरिएको थियो । केशचन्द्र पारावत् महाविहार संरक्षण समाजका अध्यक्ष क्याप्टेन चन्द्रबहादर शाक्यले इतुम्बहाःको गौरव र प्रतिष्ठाको रुपमा देवाद्यः छेँको पुननिर्माणमा सहयोग गर्ने सबै पक्षलाई धन्यवाद दिए । उनले यस क्रममा श्री भाष्करदेव संस्कारित केशचन्द्र पारावत् महाविहार नेपाल मण्डलकै समृद्ध र सुविधायुक्त महाविहार हो, भनेका छन् । यसैगरी, महाविहार संरक्षण समाजका महासचिव प्रज्ञारत्न शाक्यले मूर्त सम्पदाको रुपमा रहेको देवाद्यः छेँको पुननिर्माण सकिएपनि यस समाजमा रहेका कैयौँ अमूर्त सम्पदाको संरक्षण र जगेर्णा गर्न बाँकी रहेको भनाई राखे ।
काठमाडौँ।श्री आर्यअवलोकेश्वर करुणामय सेतो मछिन्द्र नाथले( जा : जुया बिज्यात ) नेत्र खोल्नु भयो।
गत साता अष्टमीका दिन श्री आर्या अवलोकेश्वर करुणामय ( सेतो मछिन्द्रनाथ)को महास्नान सम्पन्न भएको थियो।
महास्नान सकिएपछि मछिन्द्रनाथलाई रंगरोगन गरि सृगार गर्ने गरिन्छ जसलाई स्थानिय भाषामा लपुली छायेगु भंनिन्छ।
एक सातासम्म मछिन्द्रनाथको सृगार पश्चात करुणामयको मूर्तिलाई मन्दिरमा आसन अगाडी विराजमान गराई गुरुजुद्वारा मन्तोरोच्चारण गरि पूजा आराधना गरिन्छ।
पूजा बिधि सकिएपछि छोपेको कपडा निकाली मछिन्द्र नाथको नेत्र खोलिन्छ जसलाई धार्मिक शब्दमा जा: जुगु भनिन्छ।
मछिन्द्र नाथले नेत्र खोल्नु भइसकेपछि उहाको दश कर्म संस्कार गरिन्छ।
फोटो ;आकास बज्राचार्य
आज पौष शुल्क पुर्णिमा आज देखि श्री स्वस्थानी ब्रत तथा श्री स्वस्थानी कथा वाचन प्रारम्भ भएको छ।
आजकै दिनदेखि एक महिनासम्म हिन्दु धर्मबलाम्बिहरुले ब्रत राख्दछन भने आफ्नो घर घरमा माघ माहत्मे श्री स्वस्थानी माताको पुस्तकलाई पूजा अर्चना गरि कथा वाचन गर्ने गरिन्छ।
आजकै दिनदेखि शालि नदीकोको मेला तथा शालि नदीमा ब्रतालुहरुले ब्रत प्रारम्भ गरेको .छन गत बर्षहरुमा ब्रतालुको संख्या निकै हुने गरेकोमा यस वर्ष भने कोभिड १९ का कारण ५० जना ब्रतालुहरु सिमित संख्यामा राखेको आयोजकले जनाएका छन्।
श्री आर्य अवलोकितेश्वर करुणामय ( सेतो मछिन्द्रनाथको) न्हव अर्थात् महास्नान आज सम्पन्न
काठमाडौँ। रोगब्याधी निको पार्ने तथा आयु आरोग्य र सहकालका देवता श्री आर्य अवलोकितेश्वर करुणामय ( सेतो मछिन्द्रनाथको) न्हव अर्थात् महास्नान आज सम्पन्न भएको छ।
पौष शुक्ल अष्टमीकादिन श्री आर्य अवलोकितेश्वरलाइ महास्नान गरिन्छ।
अघिल्लो दिन निर्मल तिर्थबाट पबित्र जल तामाको घडामा राखेर जनबहाल ल्याई पुर्याउछ ।
सोहि घडाको पबित्र जललाइ न्हव (महास्नान)को दिन गुरुजद्वारा मन्त्रोचारण गरि दुध र तातो पानीले स्नान गराइन्छ यो विधिलाई स्थानिय भाषामा न्हव: अर्थात् महास्नान भनिन्छ।
फोटो: आकास बज्राचार्य
काठमाडौँ। कोभिड १९ का कारण १७औ राष्ट्रिय ज्यापु दिवस आज राष्ट्रिय सभागृहमा सिमित कार्यक्रमका बिच सम्पन्न।
ज्यापु सास्कृतिक विकास कोषद्वारा आयोजित १७ औ ज्यापु दिवस सास्कृतिक र्याली र झाकी बिना नै सम्पन्न भएको छ।
बिगतका बर्षहरुमा सास्कितिक र्याली तथा झाकीहरु सहित बृहत कार्यक्रमा हुने गरेकोमा यस बर्ष नेपाल सरकारले तोकिएको नियमलाई पालन गर्दै राष्ट्रिय सभागृहमा सिमित कार्यक्रमका बिच सम्पन्न भएको छ।
उपप्रधान मन्त्री इश्वर पोखरेलको प्रमुख आतिथ्यत्वमा भएको उक्त कार्यक्रममा ज्यापु सास्कृतिक धरोहर मदन विर महर्जन , ज्यापु सरस्वती पदक रबिना महर्जन , ज्यापु सास्कृतिक गुरु काजीलाल डंगोल ,ज्यापु रत्न रमेश महर्जनलाइ दोसल्ला तथा कदर पत्रले सम्मानित गरेको हो।
कार्यक्रममा बिशेष अतिथि शिक्षा तथा प्राबिधि मन्त्री कृष्ण गोपाल श्रेष्ठ ,बिशेष अतिथि काठमाडौँ महानगर पालिकाका प्रमुख बिद्या सुन्दर शाक्य तथा बिशेष अतिथि काठमाडौँ महानगर पालिकाका उप प्रमुख हरिप्रभा श्रेष्ठ खड्गी बाट शुभकामना मन्तब्य दिनु भएको हो।
काठमाडौ। हिजो र आज गरि दुइ दिन लगातार काठमाडौको जयबागेश्वरीमा भएको नवदुर्गा जात्रा( नवदुर्गा नाच )सम्पन्न भएको छ
।
फोटो फिचर
फोटो ;आकास बज्राचार्य
काठमाडौँ। सुर्योदयको तिथि अनुसार पर्व मनाउने परम्परा रहेका नेवा:हरुले आज किजा पूजा( भाईटिका )गरेको छ।
जिवित देव श्री गणेशको पनि आज किजापूजा ( भाइटिका )
नेपालका विभिन्न स्थानहरुमा बस्ने नेपालीहरुले ज्योतिषको तिथि अनुसार हिजो नै किजापूजा (भाइटिका) गरि सकेको छ।
किजापूजा( भाईटिका ) गर्दा तेलको मण्डप बनाई दिदीबहिनीहरुले आफ्ना दाजुभाईलाई टिका लगाइदिने गर्दछन् ।
दिदीबहिनीहरुले दाजुभाईलाई अण्डा सगुनको साथमा फल सगुन पनि दिने गर्दछन् । फल सगुनमा भोगटे, बिमिरोको साथमा विभिन्न फलफुल राख्ने गरिन्छ ।
पंचतत्वको शरीरमा सबै तत्व सन्तुलित रही कहिल्यै स्वास्थ्य समस्या नआओस् भन्ने कामनासहित पंचतत्वकै प्रतिकको रुपमा अण्डाको साथमा माछा, मासु, मासको वः (बारा) र मद्यसहितको अण्डा सगुन दिने गरिन्छ ।
काठमाडौँ। रानीपोखरीस्थित बालगोपालेश्वर मन्दिर आज पनि सर्वसाधारणको लागि खुल्ला राखिएको छ ।
भाईटिकाको दिनमा मात्र खुल्ला रहने बालगोपालेश्वर मन्दिर हिजो लाग्दो तिथि अनुसारको भाईटिकामा खुल्ला रहेको थियो भने आज किजापूजाको दिन पनि सर्वसाधारणको लागि खुल्ला राखिएको छ ।
२०७२ सालको भूकम्पबाट पूर्ण रुपमा क्षति भएको बालगोपालेश्वरको मन्दिरको पुनर्निर्माण सम्पन्न भई गत कार्तिक ५ गते मात्रै उद्घाटन भएको थियो ।
भुकम्प पश्चात ५ वर्षपछि बालगोपालेश्वर मन्दिर सर्वसाधारणको लागि खुलेको हो ।
कोभिड१९ को कारणले गर्दा न्हुद:(नयाँ वर्ष ) ११४१ शुभकामना आदान-प्रदान कार्यक्रममा नै सिमित
काठमाडौ। न्हूदँ राष्ट्रिय समारोह समितिको आयोजनामा कोरोना महामारीका कारण यस वर्ष न्हूदँको र्याली स्थगित गरी राष्ट्रिय सभागृहमा सिमित संख्यामा भेला भई शुभकामना आदानप्रदान कार्यक्रम आयोजना गरिएको छ।
उक्त कार्यक्रममा शहरी विकास मन्त्री कृष्ण गोपाल श्रेष्ठले राष्ट्रिय सम्वतको मान्यता पाइसकेको नेपाल सम्वतलाई अब व्यवहारमा पनि प्रयोग गर्दै जानुपर्नेमा जोड दिनुभएको छ ।
न्हूदँ (नयाँ वर्ष) नेपाल सम्वत ११४१ को अवसरमा राष्ट्रिय सभागृहमा आयोजित शुभकामना आदानप्रदान कार्यक्रममा मन्त्री श्रेष्ठले नेपाल सम्वतलाई सरकारी कामकाजमा प्रयोग गर्न दिनका लागि आफुले सक्दो पहल गर्ने प्रतिवद्धता व्यक्त गर्नुभयो ।
विगतमा पटक पटक प्रतिवद्धता जाहेर गरिएपनि नेपाल सम्वतलाई व्यवहारमा नउतारिएको स्मरण गदै आफु कुराले भन्दा कामले अघि बढ्ने मन्त्री श्रेष्ठले भन्नुभयो ।
‘गएका वर्षहरुमा कतिले के के भने, त्यो दोहोयाइ पनि रहन्न र धेरै बोलि पनि रहन्न,’ श्रेष्ठले भने । ‘म काममा विश्वास गर्छु, म काम गरेर नतिजा दिनेछु ।’
त्यस्तै काठमाडौं महानगरपालिकाका प्रमुख विद्यासुन्दर शाक्यले निरन्तर चल्दै आएको आन्दोलनले नेपाल सम्वतले अहिले राष्ट्रिय मान्यता पाएको बताउनुभयो । अब नेपाल सम्वतलाई सबैले आफैंले नै व्यवहारमा प्रयोग गर्दै अभियानलाई निरन्तर बनाइनुपर्ने आवश्यकता शाक्यले औंल्याउनुभयो ।
न्हूदँ राष्ट्रिय समारोह समितिका अध्यक्ष रमेश महर्जनले देशको नामबाट नामाङ्करण भएको सम्वत प्रयोग गर्न कोहि किन हिच्किचाउन परेको छ भन्दै प्रश्न गर्नुभयो । देशप्रति गर्व हुने नेपाल सम्वतप्रति पनि गर्व गर्न सक्नुपर्नेमा महर्जनले जोड दिनुभयो ।
कार्यक्रममा जनकवि दुर्गालाल श्रेष्ठबाट रचित गीतलाई गायक, संगीतकार पवित्र कसाःले प्रस्तुत गरेका थिए । कार्यक्रममा राष्ट्रप्रति सम्मान प्रकट गर्दै नेपालको राष्ट्रिय गीतको साथमा नेवाः राष्ट्रिय गान पनि प्रस्तुत गरिएको थियो ।
कोरोना महामारीका कारण यस वर्ष न्हूदँको र्याली स्थगित गरी राष्ट्रिय सभागृहमा सिमित संख्यामा भेला भई शुभकामना आदानप्रदान कार्यक्रम गरिएको थियो ।
कार्यक्रममा पुर्व रक्षामन्त्री भीमसेनदास प्रधान, कांग्रेस नेता तीर्थराम डंगोल, काठमाडौं महानगरपालिकाकी उप प्रमुख हरिप्रभा खड्गी, प्रदेश सभासद् विराजभक्त श्रेष्ठ लगायतको उपस्थिती रहेको थियो ।
