खेल

काठमाडौँ। नेपाल ओलम्पिक कमिटीअन्तर्गत शुक्रबार ‘पिस थ्रु स्पोर्टस’ कमिसन गठन गरिएको छ ।

त्यसको अध्यक्षमा रमेश महर्जन रहनु भएको छ । उहाँ कीर्तिपुर नगरपालिकाका मेयर पनि हुनु हुन्छ । नेपाल ओलम्पिक कमिटीका अध्यक्ष माननीय जीवनराम श्रेष्ठले कमिसन गठनको अवसरमा शुभकामना व्यक्त गर्नु भयो ।

त्यस अवसरमा कमिसन अध्यक्ष महर्जनले खेलकुदको माध्यमबाट समाजमा शान्ति स्थापनाका लागि विभिन्न कार्यक्रम हुने बताउनु भयो ।

कमिटीका सदस्यमा अन्जु भट्टराई, चन्द्रप्रकाश घर्ति, ज्ञानेन्द्र महर्जन, कृष्ण घिसिङ, नयना शाक्य, ऋतु ग्याम्दाङ, समिरबहादुर सिंह, सूर्यबहादुर जोशी, उपेन्द्र थापा र युवराज सुनुवार हुनु हुन्छ । यस्तै शुष्माराज भण्डारी विशेष आमन्त्रित सदस्य हुनुहुन्छ ।

काठमाडौ।नेपाल ओलम्पिक कमिटीका अध्यक्ष माननीय जीवनराम श्रेष्ठ र नेपालका लागि साउदी अरेबियाका राजदूत मुसाउद अल आरवेबिच शनिबार सन् २०३० को एसियाली खेलकुद आयोजनाको दाबीलाई लिएर छलफल भएको छ ।

कमिटीको सातदोबाटो स्थिति कार्यालयमा भएको भेटवार्तामा खेलकुदको माध्यमबाट पारस्परिक सहयोगका लागि पनि कुराकानी भएको थियो । साउदी अरेबियाको राजधानी रियादले सन् २०३० को एसियाली खेलकुद आयोजनाका लागि दाबी प्रस्ताव गरेको छ र त्यसमा नेपालको समर्थन तथा सहयोगका लागि राजदूत आरवेले अध्यक्ष माननीय श्रेष्ठसग भेट गर्नु भएको हो ।

त्यस एसियाली खेलकुद आयोजनका लागि रियादसगै कतारको दोहाबीच प्रतिस्पर्धा हुन लागेको छ । यसअघि कतारी ओलम्पिक टोलीले पनि काठमाडौंका भ्रमण गरेको थियो । राजदूतसगको कुराकानीपछि अध्यक्ष माननीय श्रेष्ठले साउदी र कतारले प्रस्तुत गरेको प्रस्ताव तुलनात्मक रूपमा समान रहेको बताउ“दै यसबारे ओमानको मस्कटमा हुने एसियाली ओलम्पिक कमिटीको साधारण सभामा दुवै पक्षस“ग थप छलफल हुने बताउनु भयो ।

उहाले अन्तिम निर्णय अगाडि नेपाली खेलकुद र खेलाडीलाई हित र स्वार्थलाई मुख्य आधार बनाइने बताउनु भयो । अध्यक्ष माननीय श्रेष्ठसगै महासचिव श्रेष्ठले मस्कटमा हुने साधारण सभामा भाग लिनु हुनेछ । त्यस अवसरमा नेपाली टोलीले साउदी र कतारी ओलम्पिक कमिटीसग थप भेटघाट गर्नेछ । राजदूत आरवेसगको छलफलको अवसरमा कमिटीका उपाध्यक्ष तथा कार्यकारी निर्देशक चतुरानन्द राजबैद्य र महासचिव निलेन्द्र श्रेष्ठको पनि उपस्थिति रहेको थियो ।

काठमाडौँ!नेपाल ओलम्पिक कमिटीअन्तर्गत वुमेन्स कमिसन बुधबार ज्योति राणाको अध्यक्षमा ११ सदस्यीय कमिटी गठन भएको छ ।

कमिसनको अध्यक्षमा राणाको यो दोस्रो कार्यकाल हो । नेपाल ओलम्पिक कमिटीको सातदोबाटोस्थित कार्यालयमा आयोजित कमिसन गठनको कार्यक्रममाअध्यक्ष माननीय जीवनराम श्रेष्ठले सफलताको कामना गर्नु भयो ।

कमिसनको अन्य सदस्यमा बिमला पौडेल, हेल्गा राणा रायमाझी, नन्दा बस्याल, प्रमिला सिंह श्रेष्ठ, प्रतिमा शाह, रेणुका सिटौला, सुधा शाक्य, सुनकेशरी माली, प्रेमा डोल्मा लामा श्रेष्ठ र गीता श्रेष्ठ रहेका छन् ।

कार्यक्रमका अध्यक्ष राणाले कमिसनले महिला खेलाडीको हित र स्वार्थका लागि आवाज उठाउने बताउनु भयो । उहाँले महिला खेलाडीप्रति हुन सक्ने यौन दुव्र्यवहारबारे जनचेतना जगाउने काम पनि हुने बताउनु भयो । यस्तै कमिसनले छाउ प्रथाबारे पनि चेतनामूलक कार्यक्रम गर्नेछ ।

काठमाडौँ। विष्णुगोपाल श्रेष्ठको अध्यक्षतामा नेपाल ओलम्पिक कमिटी अन्तर्गत ‘स्पोर्टस अफ अल’ कमिसन आज शुक्रबार गठन गरिएको छ ।

कमिटी अन्तर्गत रहने कमिसनमध्ये सबैभन्दा सक्रिय रहदै आएको यस कमिसनले अबको वर्षमा खेलकुदबारे जनचेतना ल्याउन विविध कार्यक्रम पनि गर्ने भएको छ । नेपाल ओलम्पिक कमिटीका अध्यक्ष जीवनराम श्रेष्ठले कमिसन गठनको कार्यक्रममा शुभकामना व्यक्त गर्दै यस संस्थाले आम नेपालीमा खेलकुदको महत्त्व र आवश्यकताबारे बुझाउन सफल हुने कामना गर्नु भयो ।

उहाले भन्नु भयो, ‘खेलकुद खेलाडीसंग मात्र जोडिनु हुन्न, यो सबैको जीवनको एक भाग हुनु पर्छ ।’ कमिसन अध्यक्ष श्रेष्ठले भने आउने वर्षमा खेलकुदबारे जन चेतना बढाउन धेरै भन्दा धेरै कार्यक्रम गर्ने बताउनु भयो । उहा“ले थप्नु भयो, ‘खेलकुद सबै बर्गलाई चाहिन्छ । खेलकुद प्रतियोगिता र पदक जित्ने भावनामा मात्र सीमित छैन् । यो स्वास्थ्य क्षेत्रस“ग पनि सम्बन्धित छ । कुनै न कुनै खेलमा सहभागी भएर स्वास्थ्य लाभ गर्न सकिन्छ ।’ यसअघिको ‘स्पोर्टस अफ अल’ कमिसन पनि श्रेष्ठकै अध्यक्षतामा रहेको थियो ।

यसले प्रत्येक वर्ष जुन २३ मा ओलम्पिक डे मनाउदै आएको छ । यसपल्ट पनि यो दिनलाई अझ प्रभावकारी तरीकाले बनाउने कमिसनले कार्यक्रम बनाउने भएको छ । नया कमिसनको कार्यसमिति ११ सदस्यीय रहेको छ ।

काठमाडौँ। कतार ओलम्पिक कमिटीको प्रतिनिधि मण्डलले बिहीबार नेपाल ओलम्पिक कमिटीसँग सन् २०३० को एसियाली खेलकुद आयोजनाको दावेदारीका लागि औपचारिक रूपमा सहयोग र समर्थनका लागि बिहीबार अनुरोध गरेको छ ।

नेपाल ओलम्पिक कमिटीको सातदोबाटोस्थित कार्यालय भ्रमण गर्नेक्रममा त्यस टोलीले नेपाल ओलम्पिक कमिटीका अध्यक्ष माननीय जीवनराम श्रेष्ठको नेतृत्वमा रहेको नेपाली पक्षसँग दुई पक्षीय सहयोग र सम्बन्धलाई लिएर छलफल पनि गरेको छ । नेपाली टोलीमा उपाध्यक्ष तथा कार्यकारी निर्देशक चतुरानन्दराज बैद्य र महासचिव निलेन्द्रराज श्रेष्ठ पनि सम्मिलित हुनु हुन्थ्यो ।

दोहा २०३० एसियाली खेलकुद दावेदारीको nflu नेपाल आएको १२ सदस्यीय टोलीको नेतृत्व कतार ओलम्पिक कमिटीका महासचिव रसिद जे ए अल्बुनइनले गर्नु भएको हो र उक्त टोलीमा नेपालका लागि कतारका राजदुतको पनि उपस्थिति रहेको थियो । टोलीले सन् २०३० को एसियाली खेलकुद आयोजनाका लागि कतारले प्रस्तुत गरेको दावेदारीको विशेष कार्यक्रम पनि प्रस्तुत गरेको छ ।

कार्यक्रममा अध्यक्ष श्रेष्ठले कतारी टोलीलाई नेपालमा स्वागत गर्न पाउँदा खुसी व्यक्त गर्दै सन् २०३० को एसियाली खेलकुद आयोजनाको कतारी दावेदारीको सफलताको कामना पनि गर्नु भयो । त्यस अवसरमा उहाँले भन्नु भयो, ‘कतारले यसअघि पनि सन् २००६ मf एसियाली खेलकुदको सफलतापूर्वक आयोजना गरिसकेको छ । खेलकुद विकासमा कतार र नेपाल अपसी सहयोगका लागि वचनबद्ध रहेका छन् ।’ अध्यक्ष श्रेष्ठले अगाडि भन्नु भयो, ‘नेपाल र कतारको दुई पक्षीय सम्बन्ध पनि सुमधुर रहेको छ र यसले हामीबीचको खेल सम्बन्ध बलियो बनाउन मदत मिलेको छ ।’

कार्यक्रममा कतारी टोलीका प्रमुख अल्बुनइनले नेपाल आउन पाउँदा खुसी लागेको बताउनु हुँदै आफ्नो देशको दावेदारीमा नेपालको सहयोग र समर्थनका लागि अनुरोध गर्नु भयो । कतारी टोलीमा एसियाली एथलेटिक्स संघका अध्यक्ष डहलान जमन अल हमद र एसियाली भारोत्तोलन संघका अध्यक्ष मोहम्मद युसेफ अल मन पनि हुनु हुन्थ्यो ।

काठमाडौं– खेल, खेलाडी, संघ र यस क्षेत्रको जिम्मेवारी तथा कर्तब्यमा केन्द्रित रहेर राष्ट्रिय अथा अन्तर्राष्ट्रिय खेल विज्ञहरूको प्रस्तुतीसँगै नेपाल ओलम्पिक कमिटीको आयोजनामा भएको तेस्रो राष्ट्रिय स्पोर्टस फोरम आइतबार सम्पन्न भएको छ ।

भर्चुअल आयोजना भएको कार्यक्रममा विज्ञले गरेको प्रस्तुतीमा छलफल पनि भएको थियो । खेलकुद क्षेत्र, संघ र यसका पदाधिकारीलाई ओलम्पिक अभियान र ओलम्पिक भ्यालुज तथा खेलसंग सम्बन्धित गतिविधिबारे जानकारी दिन यस्तो कार्यक्रम हुने गरेको छ । कार्यक्रममा श्रीलंकाली ओलम्पिक कमिटीका महासचिव म्याक्सवेल डि सिल्भा र एसियाली ओलम्पिक कमिटी (ओसीए) प्रतिनिधि प्रोफेसर बीएलएच परेरासले ‘ओलम्पिक मूल्य र मान्यता’ बारे आफ्नो प्रस्तुती पेस गर्नु भएको थियो । त्यस अवसरमा परेराले ओलम्पिक मूल्य र मान्यताबारे सजगता ल्याउन विद्यालय स्तरमा कार्यक्रम चलाउन आवश्यक रहेको बताउनु भयो ।

यस्तै अन्तर्राष्ट्रिय ओलम्पिक कमिटी (आईओसी) सदस्य स्वेङ मिन र्‍युले ‘खेलकुद र वातावरण’ बारे प्रकाश पार्ने क्रममा अहिलेको समयमा वातावरणको विषय सबैभन्दा गहन भएको बताउँदै यसबारे सहजगता जगाउन खेल क्षेत्रले सबैभन्दा बढी भूमिका खेल्नु पर्ने बताउनु भयो । उहाँले अब विश्व खेलकुदका लागि वातावरण उत्तिकै महत्त्वको मुद्दा भएको बताउनु भयो । कार्यक्रममा नेपाल ओलम्पिक कमिटी मेडिकल कमिसनका अध्यक्ष डा. सरोजकृष्ण श्रेष्ठले ‘कोभिड–१९’ र नेपाल खेलकुद पत्रकार मञ्चका अध्यक्ष दूर्गा सुवेदीले ‘संचार क्षेत्र र मार्केटिङ’, युवा तथा खेलकुद मन्त्रालयका सचिव रामप्रसाद थपलियाले ‘खेलकुद संरचना र पद्धति’ बारे आफ्नो प्रस्तुती दिनु भएको थियो । यस्तै राष्ट्रिय खेलकुद परिषदको आर्थिक विभाग प्रमुख ऋषिराम पोखरेलले ‘राष्ट्रिय खेलकुद परिषदको लेखा प्रणाली’, उमेश ढकालले ‘कर प्रणाली’, वरिष्ठ अधिवक्ता लोकभक्त राणाले ‘खेलकुद ऐन २०७७’ बारे प्रकाश पार्नु भएको थियो ।

कार्यक्रमको सुरुमा नेपाल ओलम्पिक कमिटीका अध्यक्ष जीवनराम श्रेष्ठले स्वागत गर्नु भएको थियो । कार्यक्रम नागरिक, उड्डयन तथा संस्कृति मन्त्री योगेश भट्टराईको प्रमुख अतिथिमा भएको थियो । राष्ट्रिय खेलकुद परिषदका सदस्य सचिव रमेश सिलवालले नेपाली खेलकुदका लागि यस्तो कार्यक्रम आवश्यक रहेको बताउनु हुँदै अब नेपाली खेलकुदका प्रतियोगिता आयोजना सुरु हुने बताउनु भयो । उहाँले त्यसका लागि दर्शकसहितको प्रतियोगिता, आंशिक दर्शकसहितको प्रतियोगता र दर्शनविहीन प्रतियोगिता विकल्प रहेको बताउनु भयो ।

यस्तै कार्यक्रमको अन्त्यमा कमिटीका महासचिव निलेन्द्रराज श्रेष्ठले कार्यक्रममा सहभागीले यसबाट पर्याप्त जानकारी प्राप्त गर्न सकेको बताउनु भयो । उहाँले चाँडै हुने अन्तर्राष्ट्रिय खेल प्रतियोगिताबारे पनि जानकारी दिनु भएको थियो । कमिटीका उपाध्यक्ष तथा कार्यकारी निर्देशक चतुरानन्द राज बैद्यले कार्यक्रम चलाउनु भएको थियो । कार्यक्रममा १३ औं दक्षिण एसियाली खेलकुदमा नेपालका लागि स्वर्ण पदक दिलाउने १३ संघलाई प्रशंसा पत्र पनि प्रदान गरिएको थियो ।

काठमाडौं– नेपाल ओलम्पिक कमिटीको आयोजनामा तेस्रो राष्ट्रिय स्पोर्टस फोरम आज आइतबार (२०७७ मंसिर १४) मा हुने भएको छ ।

कार्यक्रम जुमको माध्यमबाट ‘भुर्चएल’ हुनेछ । संस्कृति, पर्यटन तथा नागरिक उड्डयन मन्त्री योगेश भट्टाराईको प्रमुख आथित्यमा हुने कार्यक्रममा राष्ट्रिय तथा अन्तर्राष्ट्रिय खेल विशेषज्ञहरू विभिन्न विषयमा आफ्नो मन्तब्य राख्ने छन् ।

नेपाल ओलम्पिक कमिटी मेडिकल कमिसनका अध्यक्ष डा. सरोजकृष्ण श्रेष्ठले ‘कोभिड–१९’, नेपाल खेलकुद पत्रकार मञ्चका अध्यक्ष दूर्गा सुवेदीले ‘संचार क्षेत्र र मार्केटिङ’, राष्ट्रिय खेलकुद परिषदको आर्थिक विभाग प्रमुख ऋषिराम पोखरेलले ‘राष्ट्रिय खेलकुद परिषदको लेखा प्रणाली’, उमेश ढकालले ‘कर प्रणाली’, वरिष्ठ अधिवक्ता लोकभक्त राणाले ‘खेलकुद ऐन २०७६’ र युवा तथा खेलकुद मन्त्रालयका सचिव रामप्रसाद थपलियाले ‘खेलकुद संरचना र पद्धति’ बारे आफ्नो प्रस्तुती दिनु हुनेछ ।

यस्तै श्रीलंकाली ओलम्पिक कमिटीका महासचिव म्याक्सवेल डि सिल्भा र एसियाली ओलम्पिक कमिटी (ओसीए) प्रतिनिधि प्रोफेसर बीएलएच परेरासले ‘ओलम्पिक मूल्य र मान्यता’ तथा अन्तर्राष्ट्रिय ओलम्पिक कमिटी (आईओसी) सदस्य स्वेङ मिन र्‍युले ‘खेलकुद र वातावरण’ बारे प्रकाश पार्नेछन् । कार्यक्रममा राष्ट्रिय खेलकुद परिषदका सदस्य सचिव रमेश सिलवालले पनि आफ्नो मन्तब्य राख्ने छन्

। नेपाल ओलम्पिक कमिटीका अध्यक्ष जीवनराम श्रेष्ठका अनुसार अन्तर्राष्ट्रिय ओलम्पिकको भावना र आन्दोलन अनुसार नेपाली खेलकुद क्षेत्र, संघ र यसका पदाधिकारीलाई नयाँ घटनाक्रम र अवस्थाबारे सचेतनामुलक जानकारी गराउन यस्तो कार्यक्रम हुँदै आएको छ । यसअघि सन् २०१६ र २०१९ मा पनि दुई संस्करणका फोरम आयोजना भइसकेका छन् । यस्तै महासचिव निलेन्द्रराज श्रेष्ठले नेपाल ओलम्पिक कमिटीले यस्तो कार्यक्रम प्रत्येक वर्ष आयोजना गर्ने योजना रहेको बताएका छन् । कमिटीका उपाध्यक्ष तथा कार्यकारी निर्देशक चतुरानन्दराज बैद्यले यस प्रकारको फोरम कार्यक्रमले नेपाली खेलकुदसँग सम्बन्धित क्षेत्रलाई आफ्नो कार्यक्षमता बढाउन र कार्यक्रमहरू नियमपूर्वक सुचारु रूपले अगाडि बढाउन मदत मिल्ने बताएका छन् ।

काठमाडौँ। नेपाल ओलम्पिक कमिटीका अध्यक्ष जीवन राम श्रेष्ठ प्रमुख आतिथ्यतमा नेपाल ओलम्पिक कमिटीले आज एउटा कार्यक्रम गरि Sports & Environment का ११ समितीका सदस्यहरुलाई स्वागत गर्नू भएको छ। जसको अध्यक्ष श्री गोवर्धन श्रेष्ठज्युले गर्नु भएको हो ।

नेपाल ओलम्पक किमिटीका अध्यक्षले स्पोर्ट एण्ड ईन्भरमेण्ट कमिशनको काम बारे प्रष्ट्याउनु भएको छ जसमा खेलकूद कार्यक्रम संगै वातावरणीय संरक्षण र वृक्षारोपण कार्यक्रमलाई महत्वपूर्ण रुपमा अगाडी बढाउन आवहन गर्नु भयो त्यस अनुरुप कमिशनका अध्यक्षज्युबाट आगामी १५ दिन भित्र कमिशनका पदाधिकारीहरु बाट ब्अतष्यल उबिल सहितको अर्को बैठक बसी नयाँ कार्य गर्ने कुरा प्रतिवद्धता गर्नु भएको छ।

श्री गोवर्धन श्रेष्ठ अवकाश प्राप्त प्रहरी वरिष्ठ उपरिक्ष रहनु भएको थियो , वहाँ खेलकूदप्रेमीका साथै टेबल टेनिसका राष्ट्रिय तथा अन्र्तराष्ट्रिय खेलाडी समेत रहनु भएको थियो । माननीय जीवन राम श्रेष्ठज्युले कमिशनका पदाधिकारीहरुलाई बधाई साथै प्रमाण पत्र हस्तान्तरण गर्नु भएको थियो ।

उक्त कार्यक्रममा नेपाल ओलम्पिक कमिटीका उपाध्यक्ष÷कार्यकारी र्निदेशक श्री चतुरानन्द राज बैद्य तथा महासचिव श्री निलेन्द्र राज श्रेष्ठज्युको उपस्थिती रहेको थियो । त्यस कमिशनका पदाधिकारीहरु यस प्रकार रहेका छन् ः डा.सन्जय विक्रम श्रेष्ठ, सगुन राणा, डोल्मा लामा शाह, चन्देशस्वरनन्द राजबैद्य, शंकर गौतम, प्रदिप राजभण्डारी, धर्मामान बज्रचार्या, राजेन्द्र कपाली, प्रितेश श्रेष्ठ, पूर्ण शंकर श्रेष्ठ र गिता शाह रहनु भएको छ ।

जैसीदेगल युथ क्लबको आयोजनामा आज एक कार्यक्रमको बिच काठमाडौँ महानगर पालिका प्रमुख मेयर बिद्यासुन्देर शाक्य द्वारा खेलकुद सामग्री क्लबलाई हस्तान्तरण गरिएको छ।

महानगर पालिकाले क्लबलाई करीव चार लाख नगद सहयोग गरिएको हो, यस अघि पनि महानगर पालिकाले क्लब भवन निर्माण गर्न आर्थिक सहयोग गरिएको थियो।

यस्तै गरि केहि समय अघि काठमाडौँ महानगर पालिका भित्रका छ वटा ए डिभिजनका क्लबलाई दश लाख नगद सहयोग गरेको थियो।

२१ वडा का अध्यक्ष उदय चूडामणि बज्राचार्य अतिथि रहनु भएको उक्त कार्यक्रमाका सभा अध्यक्ष क्लबका अध्यक्ष राजेश प्रजापति भएको हो।
मन्तव्यको क्रममा प्रमुख अतिथि मेयर बिद्यासुन्दर शाक्य बाट क्लबको कार्यको प्रशसा गर्नुका साथै आगामी दिनहरुमा क्लबलाई सक्दो सहयोग गर्ने प्रतिबद्दता जाहेर गर्नु भएको छ।

नेपाल ओलम्पिक कमिटीले हाल विश्वव्यापि COVID-19 महामारीको कारण खेलाडीहरुको प्रशिक्षण बन्द भएको अवस्था र रोगको समाचारहरुले मानसिक असर समेत परिरहेको परिस्थितिलाई मध्यनजर गर्दै आज बाट “Winning Mindset” Psychology well being program दिउसो ४ः००—५ः०० बजे सम्म सञ्चालन गरिएको छ । कार्यक्रम सञ्चालन नेपालओलम्पिक कमिटी को Sports Psychology Commission का Chairperson ईन्द्रगुरुङ्गज्युले गर्नु भएको छ ।

।कार्यक्रममा Tokyo Olympic को लागि तयारीमा रहेका ओलम्पिक कमिटी बाट छात्रवृत्तिप्राप्त खेलाडीहरु, वाईल्ड कार्डका उम्मेदवार खेलाडी र प्रशिक्षकले सहभागिता जनाउनु भएको छ। यो कार्यक्रम एक साता सञ्चालन हुने छ । यस कार्यक्रमका साथै खेलाडीहरुले COVID-19 रोगको संक्रमणको सम्भावना बाट बचेर यसका नियमहरुलाई पूर्ण रुपमा पालन गर्दै घरमै बसेरप्रशिक्षकको निगरानीमा खेलाडीहरुले आफ्नो स्वास्थ्यलाई fit राख्ने कार्यलाई पनि निरन्तरता दिनेयोजना रहेको छ।