विश्व

प्लाज्मा थेरापीबाट भारतमा एकजना कोरोना संक्रमित निको भएपछि अस्पतालबाट डिस्चार्ज गरिएको छ ।

दिल्लीका ४९ वर्षीय कोरोना पोजिटिभ पुरुषलाई म्याक्स अस्पतालमा यो प्रविधि प्रयोग गरिएको थियो । ४ अप्रिलमा लक्षण देखिएका उनी भर्ना भएपछि स्थिति धेरै बिग्रिसकेको थियो । उनी निमोनिया ग्रसित भएका थिए ।

त्यसपछि ८ अप्रिलमा उनलाई भेन्टिलेटरमा राखिएको थियो । अवस्था सुधारोन्मुख नभएपछि परिवारले चिकित्सकसँग प्लाज्मा थेरापीको माध्यमबाट उपचार गर्न अनुरोध गरेका थिए । भारतमा पहिलो पटक प्लाज्मा थेरापिबाट कोरोनाको उपचार गरिएको थियो । उनलाई १४ अप्रिलमा प्लाज्मा दिइएको थियो ।

कोरोना भाइरस संक्रमणका कारण अमेरिकामा २४ घण्टामा २१७४ जनाले ज्यान गुमाएका छन् । यो सँगै अमेरिकामा कोरोनाले मर्नेको संख्या ३२ हजार ८ सय ६८ पुगेको छ । न्यूयोर्कमा मात्रै ११ हजार ४ सय ७७ को मृत्यु भएको छ ।

जोन हप्किन्स विश्वविद्यालयको तथ्यांकअनुसार अमेरिकामा कोरोना संक्रमितको संख्या ६ लाख ६७ हजार २ सय २५ पुगिसकेको छ ।

यस दौरान अमेरिकी राष्ट्रपति डोनाल्ड ट्रम्पले भने आउँदो महिनादेखि अमेरिकामा लकडाउन हटाउन नयाँ रणनीति सार्वजनिक गरेका छन् । राज्यका गभर्नरहरुका लागि एक निर्दे्शिका जारी गर्दै ट्रम्पले तीन चरणमा लकडाउन खुला गर्ने रणनीति अघि सारेका छन् ।

राष्ट्रपति ट्रम्पले केही राज्यहरुमा यसै महिनादेखि लकडाउन हटाउन सक्ने बताएका छन् । ‘अमेरिका खुला हुन चाहन्छ र अमेरिकन खुला हुन चाहन्छन्, देश बन्द राख्नु दिगो समाधान होइन ।’ ट्रम्पले बताए ।

यस महिनाको अन्तसम्ममा अमेरिकामा बेरोजगारीको दर २० प्रतिशतसम्म पुग्ने अनुमान गरिएको छ । लकडाउनले लागूऔषध दुव्र्यसनी, मदिरा प्रयोग, मुटुका बिरामी र अरु शारीरिक र मानसिक समस्या बढ्न थालेको छ ।

स्वस्थ नागरिकले निश्चित नियम पालना गरेर काममा फर्किने प्रस्ताव गरिएको छ । स्वस्थ व्यक्तिले सामाजिक दूरी कायम राखेर काममा सहभागी हुने र अस्वस्थ भए घरमै राख्ने ट्रम्पको रणनीति छ ।

उता गभर्नरहरुले लकडाउन नखोल्ने जनाएका छन् । ट्रम्प राष्ट्रपति मात्र भएको र राजा सरह उनको सम्पुर्ण निर्देशन पालना गर्न नपर्ने न्यूयोर्कका गभर्नर एंड्रयू कुओमोले बताएका छन् ।

दुई दिनअघि ब्रिटेनका राजकुमार चार्लस् लाई कोरोनाभाइरस सङ्क्रमण भएको उनको औपचारिक पुष्टि पछि ब्रिटिश प्रधानमन्त्री बोरिस जोनसनलाई पनि कोरोना भाइरस सङ्क्रमण भएको डाउनिङ्ग स्ट्रीटले जनाएको छ । जोनसनले आफूलाई कोरोना भाइरसका मध्यम खालका लक्षणहरू देखिएको र डाउनिङ्ग स्ट्रीटमै एक्लिएर बस्ने बताएका छन् । प्रधानमन्त्री कार्यालयको विज्ञप्तिमा इङ्गल्यान्डका प्रमुख स्वास्थ्य अधिकारी प्राध्यापक क्रिस ह्विटीको सल्लाहमा उनको कोरोनाभाइरस परीक्षण गरिएको भनिएको छ । बिरामी भए पनि उनले नै सरकारको नेतृत्व गरेर यो विपतको सामना गर्ने विज्ञप्तिमा बताइएको छ। ब्रिटेनभरि ११ हजार ६ सय जनाभन्दा बढी कोरोनाभाइरसका घटना पुष्टि भएकामा हालसम्म ५७८ जनाले ज्यान गुमाएका छन् ।

शुक्रबार सम्म पुग्दा विश्वभरिका आधा मिलियन जनसंख्या कोरोनाको संक्रमणले ग्रस्त भएको छ । अहिलेसम्मको तथ्यांक अनुसार ५३३,०१५ जना कोरोना भाइरस संक्रमित भएको पुष्टि भएको छ । यो संख्या अहिले सम्म भएको परिक्षणको नतिजा हो । परिक्षण हुन बाँकिको लगत संकलनले यो तथ्यांक अझ बढ्ने विज्ञको अनुमान रहेकोछ । तथ्यांक अनुसार एक लाख कोरोना भाइरस संक्रमित हुन लगभग ६७ दिन लागेको थियो । त्यसपछि थप एक लाख संक्रमण हुन केवल ११ दिन लागेको थियो । त्यसको ९ दिनमा अर्को एक लाख संक्रमित थपिएका थिए । तर त्यसको चार दिनमै थप एक लाख कोरोना संक्रमित पहिचान भएका थिए । तर यो संख्या थप एक लाख थपिन दुई दिन काफि भएको छ । विश्वका एक चौथाई जनसंख्या लकडाउनमा रहेको समयमा कोरोना संक्रमितको संख्या बुलेट ट्रेनको रुपमा बढ्दै छ ।

इटालीमा कोरोना भाइरस(कोभिड–१९) को संक्रमणबाट ३७ चिकित्सकको मृत्यु भएको छ । विश्वको आधुनिक स्वास्थ्य व्यवस्था मध्यको एक इटालीमा चिकित्सकहरुले संक्रमितको बढ्दो संख्याका कारण निकै कठिन परिस्थितिमा रहेको खुलाएका छन । हिजैमात्र कोरोना संक्रमणका कारण एक नर्सले आत्महत्या गरेकी छिन । बढ्दो संक्रमित संख्यामा आफुले रोग सार्न सक्ने हुनाले ती नर्सले आत्महत्या गरेको खुलेको छ । इटालीमा बिहिबारसम्म ७ हजार ५ सय ३ को मृत्यु भएको छ भने संक्रमितको संख्इा ७४ हजार ३ सय ८६ र ९ हजार निको भएका छन् ।

कोरोना भाइरससँग विश्व नै ग्रसित अवस्थामा कोरोनाको उद्गम स्थल चीनको उहानमा भने संक्रमण शून्यमा पुगेको छ । यसको अर्थ नयाँ संक्रमित रोगीहरु नरहेको चीनको सञ्चारमाध्यमले उल्लेख गरेको छ ।

गत मंगलबार १३ जनाको यसै कोरोनाका कारण मृत्यु भएको थियो भने बुधबार ८ जना संक्रमितको मृत्यु भएको थियो । सन २०१९ डिसेम्बरको मसान्तदेखि देखिएको कोरोना संक्रमणले चीनमै ३ हजार २ सय ३७ जनाको ज्यान गइसकेको छ भने ८० हजार ८ सय ८९ संक्रमित रहेकामा २ हजार ६ सय २२ जनाको अवस्था गम्भीर रहेको छ ।

अमेरिकी राष्ट्रपति डोनाल्ड ट्रम्पमा कोरोना भाइरसको संक्रमण नेगेटिभ देखिएको छ । केही समय पहिला ट्रम्पले भेटेका मानिसहरूमा कोरोना भाइरस देखिएकाले उनले शुक्रबार आफूलाई कोरोना भाइरस भएरनभएको परीक्षण गराएका थिए। संक्रमित र मृतकको संख्या बढ्न थालेपछि ट्रम्प प्रशासनले बेलायत र आयरल्याण्डबाट अमेरिका आउने व्यवसायिक उडान पनि बन्द गरिदिएको छ।

कोरोनाको महामारी रोक्न ट्रम्प प्रशासन आन्तरिक यात्रामा पनि प्रतिबन्ध लगाउने तयारी गरिरहेको छ । यसैबीच अमेरिकामा २ हजार ९ सय ९९ जनालाई कोरोना भाइरस देखिएको छ भने ४९ जनाको ज्यान गएको छ।

उता ब्राजिलका राष्ट्रपति जइर बोल्सोनारोमा भने कोरोनाको पुष्टि भएको छ । उहाँले परीक्षण गर्नु अघि मात्र अमेरिकी राष्ट्रपतिसँग भेटवार्ता गरेका थिए । बोल्सोनारोलाइ कोरोना भाइरस देखिएको पुष्टि हुनु केही घण्टा अघि उनका प्रेस सल्लाहकारमा पनि संक्रमणको पुष्टि भएको थियो ।

त्यसैगरि स्पेनी प्रधानमन्त्री पेद्रो सान्चेजकी पत्नी बेगोना गोमेजलाई पनि कोरोना भाइरसको संक्रमण भएको छ । स्पेनमा हालसम्म कोरोना भाइरसको संक्रमणबाट १९३ जनाको मृत्यु भएको छ भने ६ हजार २ सय ५० जनामा संक्रमण भएको पुष्टि भएको छ । स्पेनले बिहीबार कोरोना भाइरसको रोकथामको पहिलो कदमका रुपमा देशभरका विद्यालय बन्द गर्ने निर्णय गरेको थियो । यसैगरी सोमबारबाट लागु हुने गरी उसले आन्तरिक एयरलाइन्स,रेल तथा डुङ्गा संचालकहरूलाई आफ्नो सेवा आधाले कटौती गर्न भनेको छ ।

विश्वका शक्तिशाली राष्ट्रका शक्तिशाली प्रमुखहरु नै कोरोनाको शिकार भएका छन् । क्यानाडाका प्रधानमन्त्री जस्टिन त्रुडिउ कोरोनाका कारण आइसोलेसनमा बस्दैछन् । आइसोलेसन भन्नाले कसैसँग हिमचिम वा भेटघाट नगरी घरैमा बस्न लागेका हुन । उहाँ आफुलाई कोरोना भाइरस नलागेपनि श्रीमती सोफी ग्रीगोर त्रुडिउलाई कोरोना भाइरस देखिएपछि घरमै बस्न लागेका हुन् । उहाँले घरबाटै आफ्नो कार्यभार सम्हाल्नेछन् ।

उता अमेरिकाले संकतकाल घोषणा गरेको छ । राष्ट्रपति डोनाल्ड ट्रम्पले कोरोना भाइरसका रोगी तथा मृतकको संख्या बढेकाले संकतकाल लागु गरिएको बताएका छन् । ब्राजिलका उच्च पदस्त अधिकारी साथै अष्ट्रेलियाका गृहमन्त्रीलाई कोरोना देखिएपछि भेटघाट गरेका ट्रम्प आफै पनि कोरोनाको संक्रमण छ कि भनि परिक्षण गर्न लाग्दैछन् । यस अघि अमेरिकाले बेलायत बाहेकका युरोपियन राष्ट्रका उदान रद्द गरिसकेको छ । बेलायतमा समेत उदान रद्द गर्ने तयारी भइरहेको ट्रम्पले बताएका छन् ।